Búgin Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti bilim basqarmasymen, joǵary oqý oryndarymen, kolledjdermen, sondaı-aq jalpy bilim beretin mekteptermen birlesip biryńǵaı adaldyq saǵatyn ótkizdi.
Is-sharada stýdentter men oqýshylarǵa parasattylyqtyń negizgi qaǵıdalary jetkizilip, qoǵamda sybaılas jemqorlyqqa nóldik tózimdilikti qalyptastyrýǵa basa nazar aýdaryldy.
Jas urpaqtyń parasattylyq qaǵıdalaryn júzege asyrýda jáne taratýda, qazaqstandyq patrıotızm rýhynda jeke tulǵany tárbıeleýde jáne sybaılas jemqorlyqty qabyldamaýdaǵy mańyzdy róli atap ótildi.
Bilim berý mekemelerinde dáriskerler retinde qalalyq Sybaılas jemqorlyqqa qarsy is-qımyl departamentiniń basshylyǵy men qyzmetkerleri, ákimdik pen bilim basqarmasynyń, "Shymkent-adaldyq alańy" jobalyq keńsesiniń jáne Arnaıy monıtorıng tobynyń, «Nur Otan» partııasy fılıalynyń ókilderi, sondaı-aq oqý oryndarynyń basshylary sóz sóıledi.
Osy oraıda, Departament basshysy A. Jumaǵalı M. Áýezov atyndaǵy Ońtústik Qazaqstan memlekettik ýnıversıtetiniń stýdentterimen jáne oqytýshylarymen kezdesti. Departament basshysy «Parasattylyqty búkil qoǵamnyń ortaq kúsh-jigerimen qalyptastyrý kerek. Búgingi tańda Sizderdiń árqaısylaryńyz ýaqyttyń maqsatyn tereń sezinip, formýlany naqty ustanýlaryńyz qajet: Parasattylyq-ulttyń rýhanı ózegi, progressıvti qoǵamnyń ómir súrý normasy. Jastar-bolashaq Qazaqstannyń negizgi qozǵaýshy kúshi, aǵa urpaqtyń laıyqty aýysýy» dep atap ótti.
Ýnıversıtet stýdentteri jastar arasyndaǵy parasattylyq qaǵıdalaryn júzege asyrý jáne eldiń bolashaǵy týraly oılarymen bólisti.
Stýdenttermen osy turǵydaǵy kezdesýler Ońtústik Qazaqstan memlekettik pedagogıkalyq ýnıversıtetinde jáne Silk Way Halyqaralyq ýnıversıtetinde Departament basshysynyń birinshi orynbasary T. Serikbaev pen Departament basshysynyń orynbasary Q. Qabylbekovtyń qatysýymen ótti.
Aıta ketý kerek, Shymkentte 10 JOO, 29 kolledj jáne 144 mektepte biryńǵaı adaldyq saǵaty ótti.