Sársenbi, 27 naýryz 2013 2:15
Zamanmen birge zań da jańaryp otyrady. Mundaı jańarýlardan, árıne, elimizdiń basqarý salasy da shet qalmaýy tıis. О́ıtkeni, memlekettik organdardyń tıimdi jumys isteýi eń aldymen halyq úshin aýadaı qajet. Basqarý salasyndaǵy jańarý men jańǵyrýdyń máni men mańyzy da osynda.
Mysaly, «A» korpýsyna ótý úshin memlekettik qyzmetkerlerden budan bylaı zamanaýı tereń bilim, ómirlik baı tájirıbe jáne zaman talabyna saı uıymdastyrýshylyq pen iskerlik qabilet qatań túrde talap etiletinin estip, basqarý salasynda da seń qozǵalǵanyn bildik.
Sársenbi, 27 naýryz 2013 2:15
Zamanmen birge zań da jańaryp otyrady. Mundaı jańarýlardan, árıne, elimizdiń basqarý salasy da shet qalmaýy tıis. О́ıtkeni, memlekettik organdardyń tıimdi jumys isteýi eń aldymen halyq úshin aýadaı qajet. Basqarý salasyndaǵy jańarý men jańǵyrýdyń máni men mańyzy da osynda.
Mysaly, «A» korpýsyna ótý úshin memlekettik qyzmetkerlerden budan bylaı zamanaýı tereń bilim, ómirlik baı tájirıbe jáne zaman talabyna saı uıymdastyrýshylyq pen iskerlik qabilet qatań túrde talap etiletinin estip, basqarý salasynda da seń qozǵalǵanyn bildik. Sebebi, búginde elimizde 91 myń memlekettik qyzmetshi bar eken. Biraq sonyń bári memlekettik qyzmetkerden suralatyn talapqa saı tıimdi jumys istep júr me? Bilimi men biligi kún saıyn jańaryp jatqan zamannyń óskeleń úrdisine laıyq pa? Joq, óıtkeni, bári birdeı mundaı joǵary talap deńgeıinen kórine almaıdy.
Keıde «aýyl ákimi» degen qyzmetke kadr tańdaǵanda «úmitkerdiń» bilim-biligi men memlekettik organdardaǵy tájirıbesi bylaı qalyp, kerisinshe, álginiń órisindegi myńǵyrǵan maly men jyljymaıtyn múlikteri «birinshi orynǵa» shyǵyp ketetini jasyryn emes. Mysaly, aýylda 100 jylqy, 100 túıe jáne 500 qoıy bar bir adam bolsa, «aýyl ákimi» degen memlekettik qyzmetke kadr izdegenderdiń tańdaýy birden soǵan túsetini taǵy shyndyq. Al bilimdi, bilikti kadrlar, tipti, ortasha sharýasyn dóńgeletip ustap otyrsa da, «átteń, tonnyń keltesi-aı» degendeı, kózimen jer shuqyp qala beredi. Sodan baryp, keshegi maı quıýshy nemese bir sharýa qojalyǵynyń ıesi aýylǵa «ákimmin» dep qamshysyn úıirip shyǵa keledi.
О́kinishke qaraı, keıin olardyń joǵary bilimi joq ekeni nemese dıplomdy «satyp» alǵany anyqtalyp, san soqtyryp jatady. Muny kórgen jurt: «e-e, baıaǵy Vladımır Ilıch Lenınniń «Keńes Odaǵyn kez kelgen qyzmetshi áıel bıleı alady» degen sóziniń keri keldi ǵoı», dep kúledi. Aıtpaqshy, sybaılas jemqorlyqqa, paraqorlyqqa jol beretinder de, eldiń áleýeti men mádenıetin kóterýge jumys isteýdiń ornyna, shaǵyn kásipkerler men jeke turǵyndarǵa «jer satýmen» shuǵyldanatyndar da tamyr-tanystyq pen dúnıeniń arqasynda ákim bolǵandar ekeni ótirik emes.
Endi, mine, «A» korpýsyna memlekettik organdar qyzmetkerleriniń bilimderin saralap, bilikterin saraptap qabyldaý talabyn sheneýnikter arasyndaǵy osyndaı soraqylyqtardyń aldyn alýdyń qatań sharasy dep qabyldap otyrmyz. О́ıtkeni, aýyl, aýdan, qala ákimderi, ıaǵnı jergilikti bıliktegi memlekettik qyzmetkerler biz úshin saýatsyzdyǵymen, mádenıetiniń tómendigimen jáne jemqorlyǵymen emes, jan-jaqty bilimdarlyǵymen, joǵary zııalylyǵymen jáne isker uıymdastyrýshylyǵymen úlgi bolýǵa tıis.
Fedor KLIMENKO,
Jambyl oblystyq
«Dnıpro» ýkraın etnomádenı
birlestiginiń tóraǵasy.