«A»-ǵa aýysý

Sársenbi, 27 naýryz 2013 2:21

Alda ne kútip tur?

Elbasy Nursultan Nazarbaev «Qazaqstan-2050» Strategııa­sy – qalyptasqan memlekettiń jańa saıası baǵyty» Jol­daýyn­da ortalyqsyzdandyrý ıdeıasyn usynyp, onyń máni eń aldymen memlekettik basqarý júıesiniń sapalyq ózgerisin kózdeıtinin atap kórsetken bolatyn. Osyǵan oraı «Memlekettik qyzmet boıynsha keıbir zańnamalyq aktilerge ózgerister men tolyqtyrýlar engizý týraly» Zańǵa oraı, 26 naýryz, ıaǵnı keshegi kúnnen bas­tap, elimizde memlekettik qyzmettiń jańa modeli engizilgen edi.

Sársenbi, 27 naýryz 2013 2:21

Alda ne kútip tur?

Elbasy Nursultan Nazarbaev «Qazaqstan-2050» Strategııa­sy – qalyptasqan memlekettiń jańa saıası baǵyty» Jol­daýyn­da ortalyqsyzdandyrý ıdeıasyn usynyp, onyń máni eń aldymen memlekettik basqarý júıesiniń sapalyq ózgerisin kózdeıtinin atap kórsetken bolatyn. Osyǵan oraı «Memlekettik qyzmet boıynsha keıbir zańnamalyq aktilerge ózgerister men tolyqtyrýlar engizý týraly» Zańǵa oraı, 26 naýryz, ıaǵnı keshegi kúnnen bas­tap, elimizde memlekettik qyzmettiń jańa modeli engizilgen edi.

Tómende osy demokratııalyq ózgeristerge baılanysty óńirlerde júrgizilgen saýaldamaǵa oraı jaýaptar jarııalanyp otyr.

__________________

Alǵysharttarǵa negiz bar

«Memlekettik qyzmet boıynsha keıbir zańnamalyq aktilerge ózgerister men tolyqtyrýlar engizý týraly» Zańǵa oraı 26 naýryzdan bastap elimizde memlekettik qyzmettiń jańa modeli engizildi. Elbasy Nursultan Nazarbaevtyń Joldaýynda aıtylǵan qaǵıdat­tardy júzege asyrýdaǵy maqsat – halyqqa jáne memleketke qyz­met etýdi barlyǵynan joǵary qoıatyn kásipqoı memlekettik apparat qalyptastyrý. Endi dástúrli ákimshilik júıeni memlekettik qyzmettiń kadrlyq quramyn irikteý jáne kásibı daıarlyqtyń jetildirilgen ádistemelerin engizý talaptary almastyratyn bolady.

Memlekettik apparattyń reformalanýynan utarymyz kóp. Eń bas­tysy – kásibı basqarýshylar kor­pýsyn jasaqtaý nátıjesinde mem­lekettik qyzmettiń sapasy­ túbegeıli artatyn bolady. Olar­dyń úlken shoǵyryn «A» korpýsyna biriktirý arqyly erekshe kásibı, biliktilik talaptary júkteledi. Otandyq zańdardy bilý, memlekettik tildi meńgerý, problemalardy sheshe bilý, halyqpen qoıan-qoltyq baılanys jaýapkershiligi birinshi kezekke qoıylady. Bul jańa turpatty top qandaı da bir artyqshylyqtarǵa ıe bolady degen sóz emes. Kerisinshe, irikteý barynsha ashyq ta qatań júrgizilip, kásibı iskerligi joǵary, halyq, el múddesin birinshi orynǵa qoıatyn kadrlar rezervin jasaqtaýǵa múm­kindik týady. Budan bylaı mem­lekettik qyzmetkerlerdiń jeke tulǵalyq quzyretin baǵalaý, óz qyz­metine laıyqtylyǵy shynaıy jumysymen ólshenip, mem­lekettik baǵdarlamalyq tapsyrmalardy oryndaýy qatań suralatyn bolady. Osylaısha jeke jaýapkershilikti kúsheıtý «komandalyq» sapyrylysqa tyıym salary, memlekettik apparattyń jumysyn túbegeıli jaqsartary, jemqorlyqpen kúresti kúsheıteri anyq.

Memlekettik qyzmetkerlerdiń oılaý deńgeıi, jumys isteý júıesi ár­túrli. Aralarynda óz isterin je­tik biletinderi de, áýpirimmen júr­gen­deri de bar. Al «A» korpýsyn qurý memlekettik qyzmet salasynda eńbek etkisi kelgen kez kelgen adamdy, ásirese, jas býyndy otandyq basqarý júıesine keńinen tarta otyryp, kásibı mashyǵyn tóseldirýge, uıymdastyrýshylyq qabiletin shyńdaýǵa alǵysharttar jasaıtyny kámil.

Qaıyrly EDIRESOV,

Soltústik Qazaqstan oblystyq

máslıhatynyń hatshysy.