Juma, 29 naýryz 2013 0:45
Búginde asa qajetti mamandyqtar qatarynda aldymen dárigerler atalady. Elimiz boıynsha densaýlyq saqtaý salasyna arnaýly bilimdi 5 myń medısına qyzmetker kútýli ekeni málim másele. Onyń birtindep sheshimi tabylýyna «Dıplommen – aýylǵa» baǵdarlamasynyń jastar tarapynan qoldaý taýyp, osynaý sharaǵa yqylasty ynta tanytýy ıgi áserin tıgizip keledi. Bul rette Qaraǵandy memlekettik medısınalyq ýnıversıteti bıylǵy túlekteriniń teń jartysynan astamy, dálirek aıtqanda, 60 paıyzynyń eńbek joldaryn alystaǵy eldi mekenderde, aýdan ortalyqtarynda bastaýǵa tilek bildirýi sonyń bir jarqyn kórinisi bolyp tabylady.
Juma, 29 naýryz 2013 0:45
Búginde asa qajetti mamandyqtar qatarynda aldymen dárigerler atalady. Elimiz boıynsha densaýlyq saqtaý salasyna arnaýly bilimdi 5 myń medısına qyzmetker kútýli ekeni málim másele. Onyń birtindep sheshimi tabylýyna «Dıplommen – aýylǵa» baǵdarlamasynyń jastar tarapynan qoldaý taýyp, osynaý sharaǵa yqylasty ynta tanytýy ıgi áserin tıgizip keledi. Bul rette Qaraǵandy memlekettik medısınalyq ýnıversıteti bıylǵy túlekteriniń teń jartysynan astamy, dálirek aıtqanda, 60 paıyzynyń eńbek joldaryn alystaǵy eldi mekenderde, aýdan ortalyqtarynda bastaýǵa tilek bildirýi sonyń bir jarqyn kórinisi bolyp tabylady. Atalǵan oqý ornynyń prorektory Baqyt Kósherova ortaǵa salǵandaı, eldiń barlyq óńirlerinen jas mamandarǵa suranys az bolmasa, sonyń ishinde aýyldyq jerlerden óte joǵary eken. Máselen, bıyl 24 jumys berýshiden túsken 3 myńnan astam ótinish-tilektiń basym bóligi sondaı tapsyrysqa arnalypty.
О́zderiniń erteńgi qyzmetine, kútilgen kómegine degen zárýlikti oqýdy aıaqtap qalýshylar jaqsy biledi. Buǵan bir jaǵynan ýnıversıtette jyl saıyn ótkizilip turatyn bos jumys oryndary jármeńkesi arqyly qanyq kóbi. Qaı-qaısysy da qatysýǵa nıettili, onda olar jan-jaqtan kelip mamandar tartýshylarmen qalaýlaryna qaraı kelisim-sharttar jasap, eńbek eter, barar jerlerin sheship jatady.
Solardyń biri bolashaq terapevt Anar Nurashına Soltústik Qazaqstan oblysynyń Qyzyljar aýdanyna óz erkimen barýǵa kelisken.
– Beskól aýylyndaǵy ortalyq aýrýhanaǵa dáriger bolyp ornalasamyn. Áýeli terapevt retinde iske ysylǵan soń ftızıatorlyqqa biliktilikti kóterý oıymda bar. Bul maqsatym qoldanyp otyr. Ýaǵda boıynsha birjolǵy materıaldyq kóterme syılyq, baspana berilýine qýanyshtymyn. Bárinen de jergilikti jurt senimin aqtaı alyp, shyn mánindegi jaqsy dáriger ataný qymbat maǵan. Sol úshin bara jatyrmyn, – deıdi ol. Aqmola oblysynyń Aqkól aýdanyna shaqyrýshylar tilegin qup alǵan erteńgi hırýrg Erik Shonbaev ta osyndaı oıda. Onyń aıtýynsha qaladan góri aýylda dárigerlik sheberlik shyńdaýǵa, tájirıbe tereńdetýge múmkindik keń, sondyqtan osyndaı ortany qalaýǵa kóńili aýǵan kórinedi.
Atalǵan jármeńkege arnaıy qatysýshy óńirler ókilderi birazynyń joly boldy. Ásirese, ońtústikqazaqstandyqtar tilekterine yqylas bildirýshiler az bolmady. Osy jaqtan 27 jas mamanmen ýaǵdalastyq jasaý jobalansa, osynsha kelisim berildi. Rýdnyı qalalyq emhanasynyń dárigeri Vıktor Vaızer de qatarlaryn birden 5 jas áriptes tolyqtyratyndyǵyna qýanyp qaıtty. Jalpy alǵanda 300-ge tarta túlektiń 180-i aýyl medısınasy mereıin kóterýge yntalylyǵy tanyldy.
Bilikti dárigerler daıarlaýdaǵy bedeli erteden bıik Qaraǵandy bul oqý ornyn bitirýshilerge suranys árdaıym joǵary. Byltyr túlekteriniń 99,5 paıyzy qalaǵan mamandyqtary boıynsha eńbekke aralasty. Solardyń 50 paıyzy aýyl turǵyndarymen taǵdyr toǵystyrdy. Al bıyl qosyla baýyr basýǵa bara jatqandar 10 paıyzǵa ulǵaıdy. El qushaǵy ashyq olarǵa qashanda, soǵan asyq jas dárigerler.
Aıqyn NESIPBAI,
«Egemen Qazaqstan».
QARAǴANDY.
––––––––––––––
Sýretti túsirgen Lınar GALIMOV.