Evolıýsııalyq damý joly jalǵasa beredi

Qujatta nazar salar bir­qa­tar mańyzdy baǵytqa toq­tal­saq, birinshiden, Memle­ket basshysy Qasym-Jomart Toqaev­tyń alǵashqy Jol­daýy Elba­sy Nursultan Nazarbaev­tyń mem­lekettik kýrsynyń stra­te­gııa­lyq jolyn jalǵap, elimizdi jań­ǵyrtýdaǵy basym baǵyttar bo­­ıynsha sabaqtastyqty saq­taı­dy. Bul – qoǵamdyq kúsh­ter­di ny­ǵaıtý, memlekettik appa­rat­tyń tıimdiligin arttyrý, sha­ǵyn jáne orta bıznesti qol­daý, aza­mattardyń áleýmettik ahýalyn kóterý, agroónerkásip salasyn da­mytýdy yntalandyrý jáne t.b.

Ekinshiden, Joldaýda ha­lyq­tyń naqty saýaldaryna jaýap izdeý men uzaqmerzimdi sıpat­taǵy júıeli sharalar ara­syn­da teńgerim kórinis tap­qan. Máselen, bul rette bir ja­ǵy­nan temir joldaǵy jolaý­shy­lar tasymalyndaǵy bılet tap­shylyǵy máselesin, ekinshi jaǵynan salyq jáne zeınetaqy júıesin ońtaılandyrý máselesin aıtýǵa bolady.

Úshinshiden, ekonomıkalyq ósimdi yntalandyrýda meılinshe tıimdi tetik retinde shaǵyn jáne orta bıznesti damytýǵa ba­sym­dyq berý taǵy da nazarǵa alynyp otyr. Otandyq ekonomıkadaǵy shaǵyn jáne orta bıznes úlesin damyǵan elderdegi deńgeıge, ıaǵnı 50-60%-ǵa jetkizý týraly biz burynnan aıtyp kelemiz. Ekonomıkalyq órleýge kelgende shaǵyn jáne orta bıznes jańa qozǵaýshy kúshke aınalýy tıis. Joldaýda shaǵyn jáne orta bıznesti qoldaý bo­ıynsha eń ózekti qadamdar jarııa boldy. Shaǵyn jáne orta bıznes sýbektilerin 3 jylǵa salyqtan bosatý, memlekettik tekseristerge úshjyldyq moratorıı engizý, «Bıznestiń jol kartasy» aıasynda 250 mlrd teńge bólý týraly sharalar qarastyrylmaq. Tutastaı alǵanda, atalǵan qa­damdar jekemenshik kásipkerlikti damytýǵa oń áser etip, sapaly jaǵdaı jasalýyna sep bolmaq.

Tórtinshiden, meniń oıymsha, qoǵam men bılik arasyndaǵy tikeleı dıalogty kúsheıtýge ba­ǵyt­talǵan áreketter nazar aýdarýdy qajet etedi. Memleket basshylyǵy azamattyq sektormen berik baılanys ornatýǵa daıar ekendikterin ańǵartýmen qatar, óz nıetin naqty sharalar arqy­ly bekite túspek. Mysal retinde, Ulttyq qoǵamdyq senim keńesinen bólek, mıtıng týraly zańnamaǵa ózgerister engizý jónindegi keshendi sharalardy keltirýge bolady. El basshylyǵy halyqtyń aza­mattyq jáne saıası belsendiligin oń qabyl alyp, tek zań sheberinen shyǵyp ketpeýge shaqyrdy.

Ekinshi jaǵynan, jergilikti organdar men halyq arasyndaǵy baılanystyń tıimdiligin art­ty­rýǵa barynsha kóńil bólingen. Bul rette, menińshe, jergilikti bı­lik jumysynyń tıimdiligin ba­ǵalaý júıesi oń áserin berýi tıis.

Jalpy alǵanda, buǵan deıingi jyldary oń nátıjesin bergen el damýynyń negizgi úlgisi saqtalyp otyr. Biz Qazaqstannyń Tuńǵysh Pre­zıdenti – Elbasynyń jolǵa qoıǵan strategııalyq órleý baǵy­tyndaǵy evolıýsııalyq damý jolyn ári qaraı jalǵaı túsemiz.

Erjan SALTYBAEV,

Álemdik ekonomıka jáne saıasat ınstıtýtynyń dırektory