Astanalyq Jumyspen qamtý ortalyǵy qala turǵyndaryn «Eńbek» baǵdarlamasyna qatysyp, qysqa merzimdi kásibı oqytýdan ótip, jumysqa ornalasýǵa shaqyrady, dep habarlaıdy elorda ákimdiginiń resmı saıty.
Nur-Sultan qalasy ákimdiginiń halyqty jumyspen qamtý ortalyǵy jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek»memlekettik baǵdarlamasyn júzege asyrý aıasynda 2019 jyly qysqa merzimdi kásiptik oqýǵa qabyldaıdy.
Qysqa merzimdi kásiptik oqýdan ótip jatqan baǵdarlamaǵa qatysýshylarǵa aı saıynǵy 21 787 teńge kóleminde shákirtaqy tólenip, oqý aıaqtalǵan soń biliktiligi týraly kýálik berilip, jumysqa ornalasýǵa kómek kórsetiledi. Sondaı-aq jumyssyzdar100 AEK, 29 jasqa deıingi jastar, AÁK alatyn azqamtylǵandar, kóp balaly otbasylar, múmkindigi shekteýli eńbekke jaramdy tulǵalardyń 200 AEK mólsherinde jańa bıznes ıdeıalardy iske asyrýǵa memlekettik grant alý múmkindigi bar. Baǵdarlamaǵa qatysý úshin jeke kýálik, bilimin rastaıtyn dıplom, eńbek kitapshasynyń túpnusqasy men kóshirmelerin usyný kerek.