Aksııa barysynda 1000 balaǵa oqýǵa qajetti qural-jabdyqtar úlestirildi.
Meshitter tek dinı qulshylyq ordasy ǵana emes, qoǵamdaǵy ártúrli qaıyrymdylyq sharalaryna uıtqy bolatyn shyn maǵynasyndaǵy halyqqa jaqyn rýhanı ortalyqtarǵa aınalyp keledi.
QMDB О́skemen aımaǵy ókildigi áleýmettik az qamtylǵan otbasylardy qoldaý maqsatynda dástúrli «Mektepke - jol» aksııasyn jarııalaǵan bolatyn. Bastama keńinen qoldaý taýyp, óńir boıynsha aýdandyq jáne aýyldyq meshitterde kópbalaly otbasylardyń balalaryna oqý-quralyn tabys etý is-sharalary saltanatty jaǵdaıda uıymdastyryldy. Aksııa barysynda 1000 balaǵa oqýǵa qajetti qural-jabdyqtar úlestirildi. «Muqtaj jandarǵa kómek qolyn sozý - adamgershilik paryz. Biz bir-birimizge qaıyrymdylyq jasaı bilsek qoǵamda izgilik ornaıdy. «Mektepke - jol» aksııasyn jyl saıyn jasap kelemiz. Bul ıgi is óńirdiń aýdandarynda jáne aýyldarda keń óris alyp, bıyl 1000 oqýshyny mektepke daıarladyq. Bul ıgi iske dinı qyzmetkerler yqylaspen atsalysty» deıdi Shyǵys Qazaqstan oblystyq «Halıfa Altaı» meshitiniń birinshi naıb ımamy Dáýlet Tileýhanuly.
Shyǵys Qazaqstan oblysy