Osy mádenı sharaǵa Tarbaǵataı aýdany Aqsýat aýylyndaǵy Mádenıet úıiniń janyndaǵy «Babalar sazy» etno ansambli arnaıy shaqyrý alyp, ónerlerin pash etip qaıtty.
Tamyzdyń 24-30-y kúnderi О́zbekstannyń Samarqand qalasynda shyǵys halyqtarynyń mýzykalyq muralaryn damytý jáne nasıhattaýǵa arnalǵan dúnıejúzilik «Shark taronaları» atty festıval ótti. Osy mádenı sharaǵa Tarbaǵataı aýdany Aqsýat aýylyndaǵy Mádenıet úıiniń janyndaǵy «Babalar sazy» etno ansambli arnaıy shaqyrý alyp, ónerlerin pash etip qaıtty.
«Tańqalarlyǵy, ózbekterdiń «Shark taronaları» mýzyka festıvali materıaldyq emes qundylyq retinde IýNESKO tizilimine engen eki jylda bir ret ótkiziletin О́zbekstan úkimetiniń asa iri memlekettik is-sharasy eken. Tórt kúnge sozylǵan festıvalda álemniń 33 memleketiniń 300-den astam dástúrli ónerpazdary óz halyqtarynyń ónerin pash etti. Festıval erejesi boıynsha is-sharanyń barlyq qarajat shyǵyndaryn О́zbekstan memleketi kóterdi. Aýqymdy sharanyń uıymdastyrylýy asqan tártippen, jaýaptylyqpen, álem elderi ókilderimen ózbek halqynyń joǵary qarym-qatynas mádenıetinen aıqyn kórinip turdy. Kóne de tarıhı Samarqan qalasyndaǵy Ámir Temirdiń kesenesine, Ulyqbektiń observatorııasyna álemniń túkpir túkpirinen aǵylǵan týrıstermen birge saıahat jasadyq. Samarqanmen baılanystyratyn barlyq baǵyttarǵa jedel poıyzdar júrgizip qoıypty. Bir baıqaǵanymyz, Samarqandaǵy shet tilder ınstıtýty anglo-german jáne aǵylshyn, shyǵys tilderin oqytýda óte iri irgeli oqý orny eken. Osy festıvalǵa 1000-nan astam volonterler tartylypty. Olardyń barlyǵy aǵylshyn tilinde saırap tur. Tipti, kóshede, saýda oryndarynda balalarǵa deıin aǵylshynsha sóılegenin kórdik. Memlekettik is-shara týraly aqparattardyń taralǵany sonsha taksı júrgizýshige deıin «Shark, shark» dep izet jasaıdy. Samarqan óziniń baıyrǵy sáýlet ǵımarattarymen, orta ǵasyrdaǵy jádigerlerimen qymbat qala eken. HII Dúnıejúzilik festıval Samarqandaǵy Regıstan alańynda ótti. Festıvaldiń ashylý saltanatynda О́zbekstan prezıdenti Shavkat Mırzııaev, IýNESKO-nyń materıaldyq emes mádenıet máseleleri jónindegi bas dırektory Odrı Azýle sóz sóılep, qatysýshylardy quttyqtady. Tájikstan, Qyrǵyzstan, Túrkimenstan, Ázerbaıjan respýblıkalary men Reseıdiń mádenıet mınısterleri, bizdiń elden Mádenıet jáne sport mınıstri A.Raıymqulova bastaǵan ókilder qatysty. Atalmysh festıvaldyń maqsaty álemdegi shyǵys halyqtarynyń dástúrli mýzykalyq muralaryn jahandyq jutylýdan saqtaý, damytý, nasıhattaý bolyp tabylady.
Festıvaldiń ashylý saltanatynda О́zbekstannyń halyq ártisteri Iý.Osmanova, M.Iýlchıeva, Z.Sýıýnova, N.Pırmatova, K.Mırzaeva, G.Abdýsalomova syndy belgili óner sheberleri men «Navbahor», «Samarqand», «Navrýz», «Týmor», «Buhara», «Navoı», «Namangan» fılarmonııalary ártisteri, Tashkenttiń ataqty bı ujymdary tamasha kompozısııalar kórsetti. Qazaqtyń belgili aqyny Nesipbek Aıtovtyń sózine jazylǵan Jarylǵasyn Dáýletovtyń uranǵa aınalǵan «Qazaq eli» ánin K.Alımahsýmov pen Iаsmıa Omar naqyshyna keltire oryndap tóbemizdi kókke jetkizdi. Tatarstan men Moldavııa halyq ártisi Nadejda Kadysheva da festıvaldiń qurmetti qonaǵy bolyp óner kórsetti. Festıvaldiń birinshi kúninen bastap álemniń 80 memleketiniń etnograftary, óner zertteýshileri, tarıhshylar men ádebıetshiler, folklorshylary qatysqan «Shyǵys halyqtarynyń dástúrli mýzykalyq muralarynyń damýy» taqyrybynda ǵylymı-praktıkalyq konferensııa oryndaýshylardyń konsertimen qatar júrip otyrdy. Festıvaldiń bir kúninde Samarqand oblysynyń Taılaq aýdany halqyna argentınalyq ansamblimen kelgen Sandra Rehder, Ispanııanyń «Vıgela», Qazaqstannyń «Babalar sazy» ansamblderi konsert berdik. О́zbek halqynyń qonaqjaılyǵyna shek joq. Shynaıy nıetpen qarsy alyp, shyǵaryp saldy. Festıvalda Amsterdamnan kelgen álemge áıgili «Mýndýs» trıosy, Erevannan Arsen Petrosıan kvarteti, Egıpetten «Taht Sharkı» ansambli, estonııadan «Rýýt» dýeti, Tynyq muhıtynyń Fıdjı aralynan VOÝ dýeti, Ispanııanyń «Vıgela» toby, Vengrııadan «Romengo» ansambli, Gresııadan «Ýgarıt» toby, Latvııadan «Baltı» toby, Mıanma respýblıkasynan «Aıe Sý Kıaý» úshtigi, Pákistannan Akbar sybyzǵyshy, Perýden Lýz Katarın, Portýgalııadan Mıgel Bandeırınıa, Sıngapýrdan «YIN Harmony» toby, AQSh Chıkagodan «Henhaýs Provlers» ansambli óner kórsetti. Otyz úsh memlekettiń ónerpazdarynyń jıyrma mınýttyq ónerin tórt kún boıy on adamnan quralǵan táýelsiz qazylar alqasy saraptady. Olardyń sapynda Ázerbaıjan, Qytaı, Koreıa, Qyrǵyzstan, Estonııa, О́zbekstan, Tájikstan, Túrkimenstannyń konservatorııalarynyń professorlary, dosentteri boldy» deıdi osy sharaǵa baryp, óz kózimen kórip qaıtqan Aqsýattaǵy Mádenıet úıiniń dırektory Sháken Kópshikbaeva.
Onyń aıtýynsha, elimizdiń namysyn qorǵaǵan «Babalar sazy» etnoansambli festıvaldiń úshinshi kúni sahnaǵa shyǵypty. «Halqymyzdyń qara dombyrasyn bas qylyp, qyl qobyzyn, jetigeni men sherterin, shańqobyzy men saz syrnaıyn, ortekesin orǵytyp Altaı-Tarbaǵataı án-kúı mektebinen halyq kúıleri «Bulǵyn sýsar», «Qara jorǵa», ánshi E.Qujımanov «Úsh teke», Dáýletkereıdiń «Kóroǵly», Jambyldyń «Aqyndarǵa arnaýyn» ánshi T.Shákárimov pen A.Ahatuly «Dombyra» shyǵarmalaryn oryndady. Bul festıvalǵa qatysqandardyń barlyǵy derlik oblystyq, respýblıkalyq deńgeıdegi fılarmonııa, óner ujymdary ekenin aıta ketken oryndy. Qaǵys dybysty qalt etkizbeıtin qazylar aldynda tarbaǵataılyq ónerpazdardyń óner kórsetýi de ońaı bolmaǵanyn aıtý lázim. «О́zbek óz aǵaıynym» demekshi, qazaqtyń qońyr dombyrasy kúmbirleı jónelgende qoldap, qolpashtaǵandary ónerpazdarymyzǵa qanat bitirdi. Dúnıeni dúbirletken festıvaldyń Gran-Prıi - 10 myń dollar syıaqyny О́zbekstannyń doırashy qyzy M.Abdýrashıeva ıelendi. 1 oryn 5000 dollar syıaqy Qyrǵyzstan qomyzshylar dýeti men Ázerbaıjannan kelgen Parvız Qasımovqa, 2 oryn 3500 dollar syıaqy Túrkimenstan «Archabıl» ansambli men Mońǵolııanyń Hatan kvartetine berildi. 3 oryndy (2000 dollar syıaqy) Reseıdiń «Aıarhaan» trıosy, Tájikstannyń «Badahshon» ansambli men О́zbekstan «Naqsh» ansambli ózara bólisti. «Dástúrdi jalǵastyrýshylar» arnaıy nomınasııamen Qazaqstannan barǵan «Babalar sazy» etno ansambli (500 dollar), Iran eliniń «Saraı hanymdary», Úndistannyń «Samanvaıa» ansamblderi marapattaldy. Elbasynyń «Jahandaǵy Qazaqstan mádenıet» jobasy jarııalanǵaly beri ulttyq mýzykalyq muralarymyzdy 2014 jyly Qytaıdyń Sháýeshek qalasynda, 2018 jyly Iran Islam Respýblıkasynda, 2019 jyly Túrkııa eliniń Ankara-Býrsa qalalarynda «Túrki halyqtarynyń áýenderi» atty halyqaralyq festıvaldarǵa, Petropavldaǵy Segiz seriniń 200 jyldyǵyna arnalǵan «Gaýhartas», Tarazdaǵy «Kóne ǵasyr kúmbiri» sekildi respýblıkalyq festıvaldarǵa qatysyp kele jatqan «Babalar sazy» etno toby - alys aýyldaǵy qarapaıym Mádenıet úıiniń ónerpazdary. Ulttyq aspaptarymyzdyń únin álem elderi únine ulastyryp qaıtqan ónerpaz ujym úshin bul baıqaý sheberlik mektebinen ótýdiń úlgisi boldy. Osy rette bizdi únemi qoldap júretin Tarbaǵataı aýdanynyń ákimi Serikqazy Sádýaqasovqa alǵysymyzdy bildiremiz» deıdi Sháken Kópshikbaeva.
Shyǵys Qazaqstan oblysy,
Tarbaǵataı aýdany,
Aqsýat aýyly