Qala ákimi Altaı Kólginov bir jarym apta buryn ashylǵan «Januıa» ınstıtýtynyń qoldaý ortalyǵynda azamattardy qabyldady. Ortalyqta «bir tereze» qaǵıdasy boıynsha 70-ten astam memlekettik qyzmet kórsetiledi. Turǵyndar AÁK jáne bilim alý, jumysqa ornalasý, óz isin ashý, turǵyn úı baǵdarlamalaryna qatysý jáne t.b. suraqtarǵa jaýap ala alady. Azamattardy jeke qabyldaý barysynda oqýshylardyń ata-analary jalpyǵa birdeı mindetti oqý qory aıasynda sertıfıkattar alýdyń yńǵaılylyǵyn atap ótti. Bul týraly Nur-Sultan qalasy ákimdiginiń baspasóz qyzmeti habarlady.
- Bul óte yńǵaıly. Buryn sapasyz jáne úlken kıim keletin edi. Qazir mine biz ózimizge unaıtynymyzdy, baǵasy men sapasyn salystyra otyryp, tańdaý jasaı alamyz, - dedi qala turǵyndary.
Kóptegen azamattar turǵyn úı máseleleri boıynsha jolyqty. Qala ákimi A. Kólginov eger jazda kezekte 46 myń adam tursa, qazir bul kórsetkish 47,5 myń adamǵa deıin artqanyn atap ótti.
-Turǵyn úı máselesi bir kúnde sheshilmeıdi. Kezekte 47,5 myń adam tur. Birneshe turǵyn úı baǵdarlamasy bar. Olardyń biri - «Baqytty otbasy» baǵdarlamasy, nesıe mólsherlemesi 2 %-dy quraıdy. Kezekten tys páter berýge múmkindigimiz joq. Qujattardy jınaý, keńes berý, bilim berý jáne jumysqa ornalastyrý boıynsha kómektesemiz. Kelesi jyly biz elordada qoljetimdi turǵyn úı qurylysynyń kólemin 3 esege ulǵaıtamyz. Biraq kezekte turǵandardyń sany da ósip kele jatqanyn túsiný kerek, - dedi A. Kólginov.
Sondaı-aq qabyldaý barysynda tórtinshi synyp oqýshysynyń anasy 1 qyrkúıekte ashylǵan №87 mektep-lıseıge balasyn jiberetini týraly sheshim qabyldandy. 9 apta ishinde qala ákimi 300-den astam adamdy qabyldady. О́tinishter boıynsha tıisti jumystar júrgizilýde.