Búgin Úkimet úıindegi baspasóz konferensııasynda Qazaqstan Respýblıkasy Premer-Mınıstriniń orynbasary Jeńis Qasymbek Qazaqstannyń ınvestısııalyq saıasatyn iske asyrý barysy týraly aıtty. Bul týraly Premer-Mınıstrdiń baspasóz qyzmeti habarlady.
Vıse-Premer Memleket basshysynyń Joldaýynda negizgi basymdyqtardyń qatarynda shıkizattyq emes sektorǵa sheteldik ınvestısııalardy tartý mindeti qoıylǵanyn atap ótti.
«Qazaqstannyń táýelsizdigi kezeńinde álemniń 120-dan astam elinen $330 mlrd sheteldik ınvestısııa tartyldy. Investısııalardyń negizgi bóligi – 50%-dan astamy – Eýropalyq Odaq elderine tıesili, onyń ishinde: Shveısarııa – 25,8 mlrd, Fransııa – 16,1 mlrd, Italııa – 8,7 mlrd, Nıderlandy – 90,4 mlrd, Belgııa – 7,6 mlrd, Germanııa – 5,2 mlrd. Amerıka Qurama Shtattaryna tikeleı sheteldik ınvestısııalardyń 15% nemese 48,4 mlrd keledi. Shamamen 5%– Ulybrıtanııa men QHR ınvestısııalarynan turady», — dedi Jeńis Qasymbek.
1 tamyzdaǵy jaǵdaı boıynsha Qazaqstanda sheteldik qatysýmen 19 myń zańdy tulǵa jáne bólimsheler jumys isteıdi, olardyń ishinde kásiporyndardyń 35,3%-y reseılik, 9,5% – túrik, 5,7% – ózbek, 5,6% – qytaı, 3,1% – nemis kapıtalynyń qatysýymen.
2010 jyldan beri sheteldik ınvestısııalar boıynsha qazaqstandyq ókiletti organdar 650-ge jýyq jobalardy qarastyrdy. Onyń ishinde Eýropalyq odaq elderiniń ınvestorlary usynǵan jobalar sany – 185, Reseı Federasııasy – 111, Túrkııa – 80 jáne QHR – 55 joba jáne t.b. Usynylǵan jobalardan basymdyq zamanaýı tehnologııalardyń transfertin qamtamasyz etetin, qazaqstandyq qamtýy joǵary, QR azamattary úshin barynsha kóp jumys oryndaryn qurýdy qamtamasyz etetin joǵary tehnologııaly jobalarǵa beriledi. Osy kezeńde $16,2 mlrd somasyna 235 joba iske asyryldy (qalǵandary qarastyrylýda), onyń ishinde 133 jobany Eýropalyq Odaq pen RF elderi júzege asyrǵan.
«Álemdegi turaqsyzdyq jáne sanksııalyq qarsylyq jaǵdaılarynda ınvestorlar ınvestısııalyq ahýaly turaqty elderdi tańdaıdy. Árbir el óziniń ınvestısııalyq reıtıngin kóterýge tyrysady, sebebi, elge kapıtal ǵana emes, jańa zamanaýı tehnologııalar da keledi», — dedi QR Premer-Mınıstriniń orynbasary.
Kóptegen ınvestorlardyń biri QHR 15 jobany qarjylanjyryp, iske asyrdy, bul 2010 jyldan beri júzege asyrylyp kele jatqan jobalardyń jalpy sanynan 6%-ǵa jýyǵyn quraıdy.
Búgingi kúni ındýstrııalandyrý jáne ınvestısııalar salasyndaǵy birlesken qazaqstandyq-qytaılyq jobalar tizimi jalpy somasy $ 27,6 mlrd quraıtyn 55 jobany qamtıdy.
2015 jyldan qazirge deıin $3,9 mlrd somasyna 15 joba iske qosyldy. Jobalar ekonomıkanyń joǵary tehnologııaly salalarynda iske asyrylady: mashına jasaý, hımııa ónerkásibi, energetıka, balamaly energetıka jáne AО́K. 3828 qazaqstandyq jumys orny quryldy.
«Osy jobalardyń barlyǵy elimizdiń ártúrli aımaqtarynda eksportqa baǵdarlanǵan zamanaýı tehnologııalardy qoldanady, qazaqstandyqtarǵa jumys oryndaryn ashady. Munda jumys istep turǵan zaýyttardy kóshirý týraly emes, tehnologııalar transferti týraly aıtylyp tur. Indýstrııalyq-ınvestısııalyq yntymaqtastyqtyń Qazaqstan-Qytaı baǵdarlamasyn iske asyrý nátıjesinde 20 myńǵa jýyq jańa jumys oryndaryn qurýmen birge, sheteldik naryqtarǵa eksporttaýǵa baǵdarlanǵan, qosylǵan quny joǵary otandyq sapaly ónimdi shyǵarýǵa qabiletti birqatar joǵary tehnologııalyq kásiporyndar qurylady dep kútilýde», — dep túıindedi Jeńis Qasymbek.