«Egemen Qazaqstan» gazeti bas redaktorynyń orynbasary qyzmetin atqarǵan áriptesimiz, belgili jýrnalıst Nurmuhamed Baıǵara búgin «Aıqyn» gazetine bas redaktor bolyp taǵaıyndaldy. Nur Otan partııasynyń hatshysy Álibek Áldeneı gazet ujymyna bas redaktordy tanystyryp, jumysyna sáttilik tiledi.
Nurmuhamed Baıǵara ál-Farabı atyndaǵy Qazaq ulttyq ýnıversıtetinde «Saıasattaný» mamandyǵy boıynsha, sondaı-aq «Bolashaq» baǵdarlamasymen Ulybrıtanııanyń Lankaster ýnıversıtetinde «Jobalardy basqarý» mamandyǵy boıynsha bilim alǵan.
Buǵan deıin ol «Qazaqstan» Ulttyq telearnasynda saıası-saraptamalyq baǵdarlamalar men áleýmettik tok-shoýlar ázirlegen. Keıin respýblıkalyq «Egemen Qazaqstan» gazeti AQ Basqarma tóraǵasynyń keńesshisi, bas redaktorynyń orynbasary boldy.