Qazaqstan men Qyrǵyzstan Qarýly kúshteri bólimsheleriniń «Ystyqkól – Ańyraqaı-2019» birlesken taktıkalyq arnaıy oqý-jattyǵýy óz máresine jetti. Bul týraly vedomstvonyń baspasóz qyzmeti habarlady.
Eki eldiń arnaıy maqsattaǵy bólimsheleriniń oqý-jattyǵýy «Edelveıs» oqý-jattyǵý ortalyǵynyń bazasynda ótti.
Teorııalyq jáne praktıkalyq sabaqtar barysynda eki eldiń áskerı qyzmetshileri taýly, taktıkalyq arnaıy daıarlyq elementterin pysyqtap, áskerı topografııa men baılanysty uıymdastyrýdaǵy bilimderin jetildirdi. Taýly daıyndyq mańyzdy praktıkalyq kezeń boldy.
Qazaqstan Qarýly Kúshteri áskerı qyzmetshisiniń aıtýynsha, bizdiń jeke quram saqtandyrýdy paıdalana otyryp, taýǵa órmeleý men túsý, sondaı-aq taýly jerde qozǵalý boıynsha jattyǵýlardy sapaly pysyqtady.
Odan basqa, eki eldiń áskerı bólimsheleri qurama jasaq quramynda qarsylastyń barlaýyna daıyndalý jáne júrgizý, zańsyz qarýly quralymdardy oqshaýlaý boıynsha arnaıy operasııany oryndady. «Ystyqkól – Ańyraqaı-2019» oqý-jattyǵýy birlesken jumysta eki eldiń bólimsheleriniń shynaıy jaýyngerlik ázirligin, úılesimdiligin baǵalaýǵa múmkindik berdi.
Qazaqstan Qarýly Kúshteriniń atynan oqý-jattyǵýǵa eki arnaıy maqsattaǵy top jáne bir brondalǵan top qatysty. Barlyǵy 30-ǵa jýyq áskerı qyzmetshi. Qazaqstan men Qyrǵyzstan Qarýly Kúshteri bólimsheleriniń mundaı birlesken jumysynyń formaty jıi túrde júrgizilip turatynyn aıta ketken jón.
О́tken jyly «Ańyraqaı-2018» oqý-jatyǵýyna eki memlekettiń 300-den asa áskerı qyzmetshisi qatysty.