Qazaqstan Respýblıkasy Kólik jáne kommýnıkasııa mınıstrliginiń buıryǵy №836
Sársenbi, 16 qańtar 2013 6:16 2012 jylǵy 29 qarasha, Astana qalasy«Tarıfıkasııa birlikteriniń ólshemderin bekitý týraly» Qazaqstan Respýblıkasy Aqparattandyrý jáne baılanys agenttigi tóraǵasynyń 2009 jylǵy 2 aqpandaǵy № 43 buıryǵyna ózgerister engizý týraly
Sársenbi, 16 qańtar 2013 6:16 2012 jylǵy 29 qarasha, Astana qalasy«Tarıfıkasııa birlikteriniń ólshemderin bekitý týraly» Qazaqstan Respýblıkasy Aqparattandyrý jáne baılanys agenttigi tóraǵasynyń 2009 jylǵy 2 aqpandaǵy № 43 buıryǵyna ózgerister engizý týraly«Baılanys týraly» Qazaqstan Respýblıkasynyń 2004 jylǵy 5 shildedegi Zańynyń 35-babynyń 1-1-tarmaǵyna sáıkes, buıyramyn: 1. «Tarıfıkasııa birlikteriniń ólshemderin bekitý týraly» Qazaqstan Respýblıkasy Aqparattandyrý jáne baılanys agenttigi tóraǵasynyń 2009 jylǵy 2 aqpandaǵy № 43 buıryǵyna (Normatıvtik quqyqtyq aktilerdi memlekettik tirkeý tiziliminde № 5573 tirkelgen) mynadaı ózgerister engizilsin: kórsetilgen buıryqpen bekitilgen Tarıfıkasııa birlikteriniń ólshemderinde: 4-tarmaqtyń 2) tarmaqshasy mynadaı redaksııada jazylsyn: «2) halyqaralyq telefondyq trafıgi – 10 sekýnd (2014 jylǵy 1 qańtardan – 1 sekýnd);»; 5-tarmaqta: 2) tarmaqsha mynadaı redaksııada jazylsyn: «2) halyqaralyq telefon baılanysy: taıaý jáne alys shetel jelilerinde qosylýlardy usyný kezinde – 10 sekýnd (2014 jylǵy 1 qańtardan – 1 sekýnd); basqa baılanys operatorlar jelisinen taıaý jáne alys shetel jelilerine qosylýlardy usyný kezinde – 10 sekýnd (2014 jylǵy 1 qańtardan – 1 sekýnd);»; 4) tarmaqsha mynadaı redaksııada jazylsyn: «4) halyqaralyq roýmıng kezinde uıaly baılanys – 30 sekýnd (2015 jylǵy 1 qańtardan – 10 sekýnd).». 2. Qazaqstan Respýblıkasy Kólik jáne kommýnıkasııa mınıstrliginiń Baılanys jáne aqparattandyrý komıteti (R.R. Nurshabekov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty Qazaqstan Respýblıkasy Ádilet mınıstrliginde memlekettik tirkeýden keıin onyń buqaralyq aqparat quraldarynda resmı jarııalanýyn jáne Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri S.S. Sarsenovke júktelsin. 4. Osy buıryq alǵash resmı jarııalanǵan kúninen bastap on kúntizbelik kún ótken soń qoldanysqa engiziledi.Mınıstr A. JUMAǴALIEV.Buıryq Qazaqstan Respýblıkasynyń Ádilet mınıstriliginde 2012 jylǵy 26 jeltoqsanda Normatıvtik-quqyqtyq kelisimderdi memlekettik tirkeýdiń tizilimine №8241 bolyp engizildi.