Jeńimpaz áýlet anyqtaldy

Úlgili shańyraqtyń shat­tyǵyn eselep, mereıin ósirgen baıqaýǵa bıyl 3 myńnan asa otbasy ótinish bildirgen. Shymkent shaharyn qosqanda 17 óńir­den qara úzip kelgen jeńimpazdar elor­dadaǵy «Qazaqstan» orta­lyq konsert zalynda ótken saltanatty marapat­taý rásimine qatysty. Merekelik jıynnyń shymyldyǵyn ashqan Premer-Mınıstrdiń orynbasary Ber­dibek Saparbaev Pre­zıdent Qasym-Jomart Toqa­evt­yń qut­­tyqtaý hatyn oqyp berdi. «Hal­­qymyzdyń ulttyq jáne otbasylyq dástúrlerge be­rik­tigi qoǵamdaǵy rýhanı qun­dy­lyqtardyń saqtalýyna yq­pal etedi. Bul memlekettik is-shara – Qazaqstannyń áleý­mettik saıasa­tynyń mańyzdy bóligi. Elimizde jyl saıyn halyqtyń ómir súrý jaǵdaıyn, turmys sapasyn jaqsartýǵa baǵyttalǵan mańyzdy sheshimder qabyldanýda. Elbasy bastamasymen mereke­ler kúntizbesine Otbasy kúni meıramy engizildi. Yrys-bere­ke­si men yntymaǵy jarasqan máýeli áýletterdi nasıhattaıtyn «Mereıli otbasy» ulttyq baı­qaýyn ótkizý dástúrge aınal­dy. Bul sharalar san ǵasyrlar boıy qalyptasqan ulttyq ádet-ǵu­ryptardyń, salt-dás­túr­­lerdiń jańǵyrýyna, otbasy ınstıtýtynyń nyǵaıýyna, ur­paq tárbıesine jańasha mán berip, ónegeli áýletterdiń óri­sin nyǵaıtýǵa yqpal etedi. Dás­túrli ulttyq konkýrstyń qa­ty­­sýshylary otansúıgishtik, eń­bek­qor­lyq, meıirimdilik sııaq­ty úlgi tutarlyq ómirlik ustanymdardy jan-jaqty meń­gergenin kórsetti. Bul kon­kýrsqa qatysýshylardyń barlyǵyn jeńimpazdar dep aıtýǵa bolady. О́ıtkeni osy konkýrsqa qatysqan árbir otbasy mereıli», delingen Mem­leket basshysynyń quttyq­taýynda.

Baıqaýda Nur-Sultan qala­sy­nan belgili aıtysker aqyn Serikzat Dúısenǵazynyń, Alma­ty qala­synan kásipker Ábdi­qa­­ly­qovtardyń, al Shymkent sha­­ha­rynan kóp balaly Ser­ma­nı­zov­tardyń otbasy top jardy. Ustazdyq uly jol­­dy atadan balaǵa 215 jyldan beri jalǵap kelgen Aqmola oblysyndaǵy Áýbákirovter shańy­raǵy, bilim berý jáne medıasııa salasyna úles qosyp, 9 jyl ishinde ajyraspaq bolǵan myńnan astam otbasyn saqtap qalǵan Aq­tóbe oblysyndaǵy Ábil­daev­tar otbasy jáne Almaty ob­lysyndaǵy kásipker Aqba­sov­­tar otbasy jeńimpaz atandy. Jeńimpazdardyń qatarynda 12 balasyn túgel kásipke baý­ly­ǵan shyǵysqazaqstandyq Cherka­shın­der otbasy, sport salasynda eńbek etip, 26 jylda 6 álem chempıony, 20 Azııa chempıony men 100-ge jýyq Qazaqstan chempıonyn tárbıelegen Jambyl oblysyndaǵy Jansaqalovtar otbasy, batysqazaqstandyq pedagog Qarsaqovtar otbasy bar. Sondaı-aq 500 jyl boıy metallýrg mamandyǵyn atadan balaǵa jalǵap kele jatqan Qaraǵandy oblysyndaǵy Salkaýovtar otbasy, Qostanaı oblysynan Býblık áýleti, Qyzylorda oblysynan mehanızator Qııanbekovter otbasy, Mańǵystaý oblysyndaǵy mal sharýashylyǵyn kásip etken Nursebepovter shańyraǵy, Pavlodar oblysyndaǵy kómir ónerkásibi salasynda uzaq jyl ter tókken Tóleýbaevtar otbasy, Soltústik Qazaqstan oblysynan Aýǵanstan soǵysynyń ardageri Ýshakovtar otbasy já­ne Túrkistan oblysynan Er­kebaevtar otbasy marapattaldy. Olarǵa Premer-Mınıs­trdiń orynba­sa­ry Berdibek Saparbaev pen Prezıdent ja­nyndaǵy Áıelder isteri já­ne otbasylyq-demo­gra­fııa­lyq saıasat jónindegi ulttyq komıssııanyń tóraıymy Gúl­shara Ábdiqalyqova dıplomdar jáne turmystyq tehnıka satyp alýǵa sertıfıkattar tabys etti.

Bıyl Atyraý oblysyndaǵy aýyl mektebinde ustazdyq etetin Tilekqabylovtar «Mereıli otbasy» ulttyq baıqaýynyń laýreaty atandy. Áýlettiń tiregi bolǵan eń­bek ardageri, aǵartý isiniń úzdigi, Inder aýdanynyń qurmetti azamaty Tólesh Tilek­qabyluly ómirden ozǵan. 82 jastaǵy áýlettiń ájesi Aımeken Qabdeshqyzy «Altyn alqa», «Eńbek eri» medaldarynyń ıe­ge­ri. Qazir ol 8 baladan 28 ne­mere, 16 shóbere súıip otyr. Ne­me­­releriniń beseýi mektepti «Al­tyn belgimen» aıaqtasa, úsh ne­meresi «Qyzyl dıplom» ıe­geri atanǵan. Abylaı Tólesh atty ne­me­resi pankratıonnan álem chempıony, jaýyngerlik sambodan álem kýboginiń eki dúrkin kúmis júl­degeri. Je­ńim­paz otbasyna otandyq «Sa­ryarqaAvtoProm» JShS shyǵarǵan shaǵyn avtobýs­tyń kilti tabystaldy. Mara­pat­­taý rá­simi tanymal estrada ár­tis­­te­riniń merekelik konsertimen aıaqtaldy.