Atyraýda elimiz boıynsha tuńǵysh ret halyqaralyq grossmeıster, shahmattan birneshe dúrkin álem chempıony, Qazaqstannyń belgili shahmatshysy Dınara Sádýaqasovanyń Shahmet akademııasynyń fılıaly ashyldy, dep habarlaıdy Atyraý oblysynyń О́ńirlik kommýnıkasııalar qyzmeti.
150 adamǵa arnalǵan, aýmaǵy 450 sharshy metr ǵımarattaǵy Shahmat akademııasy Ernııazov kóshesindegi №16 úıdiń tómengi qabatynda ornalasqan. Munda toppen jáne jeke úırenýge arnalǵa arnaıy bólmeler bar. Akademııada shahmatty shetelde biliktiligin arttyrǵan mamandar úıretetin bolady. Sonymen qatar, Dınara da onlaın sabaqtar berip, master-klass ótkizý úshin arnaıy kelip turady.
«Biz barynsha iri, halyqaralyq týrnırler ótkizip turýǵa tyrysamyz. Atyraýlyq balalar úshin biliktilik týrnırlerin ótkizip turýdyń mańyzy zor. Týrnırler týraly ata-analar men balalar aldyn ala bilip otyrýy úshin jyl sońyna deıin biz arnaıy kúntizbe jasaımyz. Taǵy aıta ketetin bir jaǵdaı, munda múmkindigi shekteýli, jetim jáne az qamtylǵan otbasydan shyqqan balalar úshin tegin úırený múmkindigi bar», - dedi Dınara Sádýaqasova.
Saltanatty sharaǵa Atyraý oblystyq shahmat federasııasynyń vıse-prezıdenti Sabyrbaı Ǵaısın, Mańǵystaý oblysy shahmat federasııasynyń prezıdenti, Aqtaý qalasynyń qurmetti azamaty Meńdesh Salıhov, Atyraý qalasy ákiminiń orynbasary Ulyqbek Tnalıev, sonymen qatar, oblystyq jastar basqarmasynyń basshysy Rollan Quspan qatysty.Sonymen qatar, Akademııanyń ashylý saltanaty aıasynda júlde qory 800 myń teńgelik «Atyrau chess open 2019» týrnıri uıymdastyryldy. Saıysqa 6-72 jas aralyǵyndaǵy 100-ge jýyq shahmatshy qatysty. Oıyn nátıjesi erteń belgili bolady.
Aıta keteıik, Dınara Sádýaqasovanyń Shahmat akademııasyna 4 jastan asqan balalar jáne eresekter jazyla alady. Barlyq aqparat www.atyrau_academyofchess.kz saıtynda ornalasqan, sondaı-aq 8 702 341 51 51 telefon nomeri arqyly da bilýge bolady.