Basym baǵyttar talqylandy

Jıynda aıtylǵandaı, Pre­­­­zıdenttiń alǵashqy Jol­­da­ýy sarapshylar qa­ýymy­nyń ǵana emes, qalyń bu­qa­­­ranyń arasynda da zor qyzyǵýshylyq týdyr­dy. Baıandamashylar Jol­daýda stra­tegııalyq, ekono­mı­ka­lyq, saıa­sı damý vektor­lar­dyń qamtylýyn keńinen áńgi­me­lep, basym baǵyttarǵa toqtaldy. Eýra­zııalyq ıntegrasııa ınstıtýty dırek­to­rynyń orynbasary Dar­han­bek Jumanǵalıevtiń aı­týyn­sha, Joldaýda el damýy úshin asa mańyzdy kókeı­kes­ti máselelerdi qamtyp, onyń sheshý joldaryn  aıqyn kórsetti. Sondaı-aq birqatar memlekettik organ­ǵa naqty tapsyrmalar berildi. Jıynda sóz alǵan PhD doktory Dáýren Bazarov 90-shy jyldary qabyldanǵan qu­jattarda táýelsizdik, el­dik, til máselesi kóterilse, odan keıin birtindep eldegi áleýmettik máseleler nazarǵa alynǵanyn, al keshegi Jol­daý­da basymdyq berilip otyrǵan mańyzdy sala­lar­dyń ishinde adam kapıtalyn damytý, quqyq qorǵaý salalaryna erek­­she kóńil bólingenin atap ótti.

− Álemdegi damyǵan el­der­­diń úlgisin alar bolsaq, adamı qundylyqtardyń jol­­ǵa qoıylǵanyn kóremiz. My­sa­ly, keshegi Joldaýda qam­tylǵan beıbit, ruqsat etil­gen mıtıng­terdi uıym­­dastyrý Batys el­de­rinde qalypty úderis. So­ny­men qatar jumys reji­miniń qalyp­tasýy, soǵan saı ja­la­qy tólenýi, eńbek qabi­letiniń durys baǵalanýy syndy oń tájir­ıbelerdiń engi­zil­ýi mindet­telip otyr. Buǵan qosa, áleý­mettik, saıası, ıdeo­­logııalyq baǵyt­tar­ da Jol­­daýda jan-jaqty qam­tylǵan, – dedi sarapshy.

Jınalǵandar Prezıdent bas­tamalarynyń oryndalýy úshin quzyrly organdar ǵana emes, qoǵam bolyp jappaı atsalysý kerektigin jetkizdi.