Bıylǵy jaz maýsymynda temir jol jáne áýe joldary arqyly qatynaǵan qazaqstandyqtar bılettiń qymbattyǵyna baılanysty biraz qıyndyqtarǵa tap bolǵany belgili. Osyǵan oraı Memleket basshysy pikir bildirip, tıisti vedomstvolarǵa máseleni tezdetip retteýge tapsyrma bergen edi. Indýstrııa jáne ınfraqurylymdyq damý mınıstrligi arnaıy brıfıng ótkizip, jolaýshylar tasymaly naryǵyndaǵy búgingi ahýaldy túsindirdi.
Bıylǵy jazǵy demalysyn keıbir azamattar birazǵa deıin umytpas. Sebebi kópshiliginiń ýaqyty áýejaı men temir jol vokzaly mańynda bılet izdep, sabylýmen ótti. Bul jaǵdaı jolaýshylardyń júıkesin ájeptáýir tozdyrdy. Aqyry qoldan jasalǵan tapshylyq jáne qymbatshylyq máselesi joǵary jaqqa deıin jetti. О́kinishtisi sol, bizdegi memlekettik basqarýdaǵy olqylyqtyń biri Prezıdent, ıá bolmasa Úkimet basshysy tapsyrma bermeıinshe jaýapty organdar tıisti mindetterin atqarýǵa qaýqarsyz.
Keshegi baspasóz máslıhatynda Indýstrııa jáne ınfraqurylymdyq damý mınıstrligi Azamattyq avıasııa komıtetiniń tóraǵasy Aıbek Áljanov qymbatshylyqtyń negizgi sebebi ushaqtardyń jetispeýshiligi men avıaotyn baǵasynyń kúrt sharyqtaýy ekenin alǵa tartty.
– Memleket basshysynyń Qazaqstan halqyna arnaǵan Joldaýyndaǵy tapsyrmalardy júzege asyrý maqsatynda Jalpyulttyq sharalar jospary ázirlenýde. Joldaýda áýe bıletteriniń qymbattyǵy jóninde de aıtyldy. Munyń negizgi sebebi – ushaqtardyń jetispeýshiligi men janar-jaǵarmaı baǵasynyń qymbattaýynda. Ahýaldy retteý úshin jáne tarıf qunyn tómendetý maqsatynda 1-mamyrdan bastap «FlyArystan» loýkosterin iske qostyq. Endi bılet baǵasyn túsirý úshin «Samuryq-Qazyna» AQ-pen birlesip, avıaparkti jańa ushaqtarmen tolyqtyrý josparlanǵan. Energetıka mınıstrligimen suıyq otyn baǵasyn túsirý boıynsha kelissózder jalǵasady. Otandyq munaı óńdeý zaýyttary tolyq jumysyna kirisken soń, suranysymyz ótelýi tıis, dedi A.Áljanov.
Al temir jol bıletteriniń tapshylyǵy týrasynda Indýstrııa jáne ınfraqurylymdyq damý mınıstrligi Kólik komıteti tóraǵasynyń orynbasary Jánibek Taıjanov túsindirip berdi. Ol bul máseleniń ýshyǵýyna alypsatarlardyń tikeleı qatysy bar ekenin joqqa shyǵarmady.
– Qoldan jasalǵan bılet tapshylyǵy – ózekti máseleniń biri. Alypsatarlarmen kúres kúsheıtilip, jaǵymsyz dınamıkany túsirý boıynsha jumys qolǵa alyndy. Temir jol tasymalyndaǵy turmystyq jemqorlyqtyń aldyn alý úshin jol kartasy qabyldandy, dedi J.Taıjanov.
Spıker bıyl 63 jolaýshylar vagony satyp alynǵanyn aıtty. Onyń 41-i elge jetkizildi. Qyrkúıektiń sońyna deıin taǵy 23 vagon ákelinbek. Jaýapty organ ókili «Nurly jol» baǵdarlamasy boıynsha 2025 jylǵa deıin jyl saıyn 150 vagonnan satyp alý qarastyrylǵanyn jetkizdi.