Nur-Sultan qalasynda Astana Media Week óz jumysyn bastady.
«Astana Media Week» medıa-aptalyǵy 3 kúnge sozylady. Ár kúni medıa salasyndaǵy seriktestik qatynastar men halyqaralyq yntymaqtastyqtyń damýyna eleýli úles qosatyn túrli baǵyttaǵy sharalar josparlanǵan. Forýmnyń alǵashqy kúni serıaldyq ónimderdi ázirleý, salyq preferensııalary, kıno prokatynyń sharttary, mazmuny, fılm óniminiń shyǵarmashylyq deńgeıi jáne onyń demeýshiler úshin tartymdylyǵy taqyrybynda ótedi.
Jıynǵa Star Media kınokompanııasynyń vıse-prezıdenti Nıkıta Trınkın, belgili qytaılyq prodıýser Ý Szıan, polıak rejısseri jáne prodıýser Darıýsh Iаblonskı jáne Úndistannan kelgen NFDC Halyqaralyq taratý jáne marketıng bóliminiń bastyǵy Dıplı Chaýla qatysady dep kútilýde.
Forým barysynda «Qazmedıa Ortalyǵy» kovorkıngi aýmaǵynda «TRENDZONE: qazir dál ýaqyty» atty jýrnalısterdiń, PR-keńesshilerdiń, dıplomattardyń, ǵalymdardyń, baspagerlerdiń, oqytýshylardyń jáne jasaýshylardyń qatysýymen ashyq birlesken semınarlar men medıa-dárister ótedi. Olar eldegi jańa medıanyń damýy týraly óz tájirıbeleri negizinde áńgimeleıtin bolady.
Sondaı-aq óndiris kompanııalary úshin prodıýserlerden jáne baǵdarlama dırektorlarynan birqatar semınarlar men master-klasstar ótedi. Budan soń «Qazaqstan» RTRK» AQ jańa televızııalyq maýsymynyń tusaýkeseri ótedi dep josparlanǵan.
Aıta keteıik, Astana Media Week-tiń basty maqsaty - otandyq medıa sektordy damytý jáne saladaǵy iskerlik qatynastardy aımaqtyq deńgeıde ilgeriletý. 2018 jyly atalǵan sharaǵa 60 otandyq jáne sheteldik top-menedjerler jáne 50-den astam óndiristik kompanııalar usynylǵan bolatyn.
.