Qasym-Jomart Toqaev óziniń Qytaı Halyq Respýblıkasyna jasaǵan eki kúndik memlekettik saparynyń barysynda Chjeszıan provınsııasyndaǵy Hanchjoý qalasyna keldi. Bul týraly Aqordanyń baspasóz qyzmeti habarlady.
Qazaqstan Prezıdenti Hanchjoýda álemdik naryqqa ınnovasııalyq ónimderdi shyǵaratyn kóshbasshy «Hikvision» kompanııasyna bardy.
Kompanııanyń Basqarma tóraǵasy Chen Szýnnıan Memleket basshysyna «Hikvision» kompanııasynyń qyzmeti týraly aıtty. Sonymen qatar, Orta Azııa boıynsha qolǵa alynǵan kommersııalyq jobalardyń atqarylý jaıymen tanystyrdy.
Qasym-Jomart Toqaevqa kompanııanyń robototehnıka salasynda, úlken derekterdi óńdeý, jasandy ıntelekt jáne zamanaýı tehnologııalar baǵytynda jasalǵan jumystaryn kórsetti.