Almaty qalasynyń órt sóndirý qyzmetine túsken dabyl qalanyń Jetisý aýdanyndaǵy Ratýshnyı kóshesi, 84 «A» meken-jaıynda ornalasqan «Ariba» JShS jıhazdar sehynan órt shyqqanyn málimdedi. Oqıǵa ornyna dereý jetken órt sóndirý qyzmeti jalynnyń tarap ketýiniń aldyn alyp, qalanyń barlyq sý tasý qurylǵylaryn jumyldyrdy.
Jetisý aýdanynyń ákimi Maqsat Kákimov órttiń 1200 sharshy metr aýmaqty sharpyǵanyn aıtyp, seh mańynda ornalasqan barlyq gaz qubyrlary óshirilgendigin jetkizdi. О́rt sóndirý qyzmetine 60-qa jýyq jeke quram qatysyp, Tótenshe jaǵdaılar departamentiniń 20 tehnıkasy jumyldyrylǵan. Zardap shekkender joq. Qazirgi kezde aýmaq polısııa qyzmetiniń baqylaýynda.