Talanttardy tabystyratyn platforma

Qazaqstan kıno álemin­degi jańashyldyq týraly «Ulttyq kınony qol­daý memlekettik ortaly­ǵy» KEAQ basqarma tór­aǵasynyń mindetin atqa­rýshy, kınoprodıýser, ssenarııst Gúlnar Sársenova, Eýropa kınoakademııasynyń múshesi (EFA), prodıýser Anna Kachko, halyqaralyq onlaın jobanyń ıdeıa avtory Elızaveta Shmakova men belgili aktrısa, kastıng-dırektor Janna Qýanysheva áńgimelep berdi.

Jıyn aıasynda Etalents.pro biregeı platformasynyń tanystyrylymy ótti. Bul saıt arqyly kastıng dırektorlary men áldeqashan tanylǵan akterler ózderiniń jetistikteri men talantyn kórsetýge múmkindik alsa, rejısserler men ssenarıısterge kásibı túsirilim tobyn jınaý prosesi edáýir jeńildetilmek. Servısti ázirleý­shilerdiń aıtýynsha, bul jaı ǵana akterlik baza emes, tolyqqandy baǵ­dar­lamalyq qamtamasyz etilgen, qoldanýǵa óte yń­ǵaıly ári túsinikti saıt.

Máselen, akterler osy saıtta tirkelip, tıisti saýaldamany toltyrǵan soń óziniń kásibı daǵdylaryn, fılmografııasyn, marapattar tizimin, foto jáne vıdeo túsirilimin engizýi qajet. Osydan soń baǵdarlama av­tomatty túrde jasaǵan túıindemege ózge kınosehtyń basqa qoldanýshylary usy­nystaryn bildire alady. Qajetti úmitkerdi aı­qyn jáne dál izdeýdi qam­tama­syz etetin 8 izdeý júıesi usy­nylady. Servıs álemniń negizgi 10 tilinde qyzmet etpek. Basqasha aıt­qanda, qazaqstandyq akterlerden, kınooperatorlar men rejısserlerden komanda qurý endi ońaı, sapaly, eń bas­tysy, jedel ári zamanaýı tehnologııalardyń kómegimen júzege asyrylady.

«Men bir jarym jyl buryn «Nartaı» fılminiń basty róline akter tańdaý úshin elimizdiń tanymal kı­no­stýdııalarynyń bi­rine ke­lip, úmitkerlerdi kór­se­týdi ótingen kezde ma­ǵan jaı ǵana fotosýretter sa­lynǵan faıldardy us­tatty. Sol kezde men tańǵaldym... Sondyqtan biz osy baǵytta qadam jasaý­ǵa sheshim qabyldadyq. On­laın-platforma kınoındýs­trııa boıynsha derekterdi ǵana emes, adamdardy da bi­riktiredi. Bul platformany tek Qazaqstanda ǵana paıdalaný úshin jasamaımyz. Sebebi bizdiń talanttardy respýblıkadan tys jerlerde de kórgimiz keledi», – dedi G.Sársenova.

Ideıa avtory Anna Kach­konyń aıtýynsha, mun­daı platformalar bir­n­eshe el­­diń qyzmet táji­rıbe­sin­de bar.