ZARDAP ShEKKENDERGE – 100 MILLION TEŃGE

Almaty oblysynyń “Qy­zyl­aǵash” aýylynda ta­bıǵat apaty­nan zardap shekkenderge kómek qolyn sozýshylar qatary da kóbeıe túsýde. Tasqyn saldary­nan kelgen shyǵynnyń ornyn tol­ty­ryp, qyzylaǵashtyqtarǵa qam­qorlyq kórsetýshilerdiń arasynda Almaty qalasynyń turǵyndary da bar. Almaty qalasynyń ákimi Ah­met­jan Esimov oblysta oryn alǵan tosyn oqıǵaǵa baılanysty ót­ki­zilgen qalalyq keńeste Almaty ob­lysynyń ákimdigine 100 mıllıon teńge kóleminde materıaldyq kó­mek kórsetiletindigin habarlady. Sonymen qatar, tabıǵat apatynan zardap shekkenderge qalalyq ákim­dik qyzmetkerleri bir kúndik ja­laqysyn aýdarýdy uıǵaryp otyr. Qala basshysy  ońtústik astanadaǵy barlyq mekemelerge qalyptasyp otyrǵan jaǵdaıǵa baılanysty kómektiń barlyq túrin kórsetýdi tapsyrdy. Máselen, qalada mem­le­kettik emes uıymdardyń kúshimen Almaty oblysyndaǵy tabıǵat apatynan zardap shekken turǵyn­darǵa arnalǵan qor qurylyp, oǵan kópshilik kıim-keshek taǵy da basqa turmysqa qajetti zattardy tap­syrýda. Qalalyq keńeste sóz alǵan A.Esimov Almaty qalasyna tóngen tasqyn jáne sel apatynyń qaýpi joq ekendigin málimdedi. Qalalyq tótenshe jaǵdaılar departamenti jyl boıy tabıǵat apatyna baı­la­nysty jaǵdaılardyń, qar tas­qy­nynyń, sý tasqynynyń jaǵdaıyn júıeli túrde qadaǵalaýda. Soǵan qaramastan, oblysta oryn alǵan tosyn oqıǵa qalalyq qyzmet or­yn­darynyń jumystyń erekshe ere­je­sine kóshýdi talap etip otyr. Oń­tústik astananyń taýly jáne taý baýraıyndaǵy aýdandarynda “Qaz­selqorǵaý” júıesiniń postylary qoıylǵan. Ahmetjan Esimov tasqyn sý­lardyń qaýipsizdigin qamtamasyz etý jónindegi qalalyq shtabty qurýdy tapsyrdy. Oǵan qala ákiminiń birinshi orynbasary Máý­len Muqashev jetekshilik etedi. Baqyt BALǴARINA, Almaty.