Kendi óńirdegi keleli ister kópke úlgi

Is-sharaǵa oblys ákimi Da­nıal Ah­metov, Eńbek jáne ha­lyqty áleýmettik qorǵaý mı­nıs­tri Birjan Nurymbetov, Bilim jáne ǵylym mınıstri Ashat Aıma­ǵambetov, Mádenıet jáne sport mınıstri Aqtoty Raıym­qu­lova, Densaýlyq saqtaý vıse-mı­nıstri Kamaljan Nadyrov, Aqparat jáne qoǵamdyq damý vıse-mınıstri Danııar Isın, son­daı-aq úki­mettik emes jáne jas­tar uıymdary, bız­n­es qoǵam­das­tyqtar, shyǵarmashylyq jáne ǵylym, zııaly qaýym ókilderi qatys­ty.

Vıse-premer óz sózinde Mem­­leket bas­shysynyń saıasaty ha­­lyqty eńbek etýge shaqyryp, mem­lekettik qoldaý meha­nızmin qol­danýǵa bastaıtynyn atap ótti.

«Bıyl 400 myń otbasyǵa ne­mese 2 mıllıonǵa jýyq qazaq­stan­dyqqa ataýly áleýmettik kómek taǵaıyndaldy. Alaıda jár­demaqynyń jaǵdaıy bar adam­darǵa da tólenip kelgeni anyq­taldy. Eskerte ketetin jaıt, ataýly áleýmettik kómek tek muq­taj jandarǵa ǵana kórse­tilýi tıis. Al eńbekke jaramdy adamdar jumys isteýi tıis. Eger mamandyǵy joq bolsa, oqytyp, jumys taýyp berýge, grant pen shaǵyn nesıe alýǵa, jeke bıznesin ashýǵa qoldaý kórsete alamyz. Áleýmettik qoldaý qoǵamdy memle­ket asyraıdy degen uǵymǵa ılan­dyrmaýy kerek», dedi B.Sa­par­baev.

Sondaı-aq jas býynnyń tár­bıesi men otbasylyq qundy­lyq­tardy saqtaý máselelerine basa toqtaldy.

«О́kinishke qaraı, jastar arasynda, onyń ishinde kámelettik jasqa tolmaǵan balalardyń ortasynda qylmys pen zorlyq-zombylyq jaǵdaılary órship barady. Sondyqtan memleket pen qoǵam birlese otyryp osy baǵytta tıimdi jumys isteýi kerek. Ata-analar balalaryna sanaly tárbıe berip, adamgershilik, moraldyq qasıetterin boılaryna sińire ósýine zor kóńil bólýi tıis», dedi ol.

Kezdesý barysynda tur­ǵyn­darmen qoǵamdyq kelisimdi nyǵaıtý, ana men balany qol­daý, densaýlyq saqtaý jáne áleý­mettik qorǵaý salalaryndaǵy qyzmet kórsetý sapasyn arttyrý, mádenıet pen sportty damy­tý sııaqty basqa da máseleler tal­qy­landy.

Úkimettik delegasııa Semeı qala­syndaǵy Jedel medısınalyq jár­dem aýrýhanasyndaǵy biregeı angıo­grafııalyq qurylǵymen jasaqtalǵan gıbrıdti operasııa jasaý bóliminiń jumysymen tanysty. Respýblıkada birinshi bolyp ashylǵan operasııalyq bólimniń ereksheligi, naýqastarǵa bir mezgilde birneshe ashyq ádis­pen jáne ıntervensııalyq aralasý arqyly keshendi gıbrıdti ota jasaýǵa múmkindik beredi. Gıbrıdti ota jasaý qondyrǵysyn ornatý jáne ǵımaratty qaıta qalpyna keltirý jumystaryna jergilikti bıýdjetten 2,3 mlrd teńge, onyń ishinde jabdyqtaýǵa 1,7 mlrd teńge jumsaldy. Aıta keteıik, keshen halyqaralyq JCI talaptaryna saı, «altyn» standart júıesi boıynsha salyndy. Ortalyq ashylǵaly beri 263 operasııa jasalyndy. Jalpy jyl saıyn 2,9 myń operasııa jasaý jospary tur. Elordadan kelgen mártebeli meımandar shahardaǵy Elektrotehnıkalyq kolledjdiń tynys-tirshiligimen tanysý barysynda bilim sala­syndaǵy memlekettik baǵdar­lamalardy júzege asyrý, qyzmet kórsetý sapasyn arttyrý, mu­ǵalimderdiń áleýmettik márte­besin kóterý sııaqty basqa da máseleler kóterildi.

Úkimettik delegasııa resmı sapardyń alǵashqy kúninde ulylar mekeni – Abaı aýdany­na at basyn buryp, kelesi jyly 175 jyldyǵy IýNESKO kóleminde merekelengeli otyrǵan uly aqyn Abaı Qunanbaıulynyń mereıtoıyn ótkizýdiń jaı-jap­saryn jan-jaqty talqylady. «Memleket basshysy Qasym-Jomart Toqaevtyń mereıtoıdy joǵary deńgeıde merekeleý týraly Jarlyǵy shyqty. Abaı Qunanbaıulynyń 175 jyldyǵyn daıyndaý jáne ótkizý jónindegi memlekettik komıssııa quryldy. Memleketimiz aqyn mereıtoıyn joǵary deńgeıde taǵylymdy sharalarmen atap ótýge ázirlenip jatyr. Bul rette dara tulǵa dúnıege kelgen topyraq – ulylar mekeni Shyńǵystaý álemniń túkpir-túkpirinen keletin qonaqtardy qarsy alýǵa daıyn bolýy qajet. Bul jer týrıstik ortalyqqa aınalady. Qazir Úkimet, oblys basshylyǵy tarapynan tıisti jumystar qolǵa alynyp jatyr. Eń bastysy, aqyn mereıtoıy úlken tárbıelik máni zor sharalarmen este qalýy kerek» dedi B.Saparbaev Abaı aýdanynyń ortalyǵy – Qaraýyl aýylynda aqyn urpaqtary men jergilikti aqsaqaldarmen kezdesýinde.

Budan ári Premer-Mınıstr oryn­basarynyń resmı sapary О́skemen qalasynda jalǵasty. Eń áýeli úkimettik delegasııa shahar jurtshylyǵymen júzdesip, Prezıdent Joldaýynyń negiz­gi baǵyttaryn túsindirip, turǵyn­dardyń saýaldaryna jaýap berdi. Sapar aıasynda Úkimet basshysynyń orynbasary ob­lys ortalyǵyndaǵy «Sılý­mın Vostok» kásiporny men robot­tandyrylǵan hırýrgııa ortaly­ǵynyń jumysymen tanysty.

Úkimettik delegasııa múshe­leri 21 qyrkúıekte Altaı aýdanyna jol tartyp, Turǵysyn aýylynyń turǵyndarymen kez­desip, Altaı qalasyndaǵy ın­sýlt­tik ortalyqty kórdi. «Qaı kezde aý­dan dárigerleri Anglııaǵa baryp, tájirı­belerin shyńdap edi? Qaı kezde aýdan ortalyǵynda kompıýterlik tomografııa bolyp edi?! Densaýlyq jáne basqa da salalar boıynsha Shyǵys Qazaqstan oblysy atqaryp jatqan jumystardy qazir basqa óńirler jasaı alyp otyrǵan joq» degen Berdibek Saparbaev aımaqtyń áleýmettik salasyndaǵy júrgizilip jat­qan jumystarǵa joǵary baǵa berdi. Shyǵys Qazaqstan oblysy