Memleket basshysy Qasym-Jomart Toqaev óziniń alǵashqy Joldaýynda «Elimizdi reformalaýdyń jańa kezeńine qadam bastyq!» dep shegelep turyp aıtty.
«Birinshi baılyq – densaýlyq» demekshi, osy Joldaýda halyqtyń densaýlyǵyn jaqsartý máselesine de basty nazar aýdaryldy. Iá, salamatty ómir saltyn nasıhattaýda sporttyń alatyn orny zor ekeni anyq. Sony qaperge alǵan Memleket basshysy sportty, sonyń ishinde buqaralyq sportty damytýdy qolǵa alý qajettigin aıtty.
О́z sózinde Qasym-Jomart Toqaev «Sport ınfraqurylymynyń balalar úshin barynsha qoljetimdi bolýyn qamtamasyz etý kerek. Buqaralyq deneshynyqtyrýdy órkendetý isi jańa chempıondar shyńyna shyǵatyn pıramıdaǵa aınalýy tıis. Bul salamatty ári belsendi jastardyń, túptep kelgende, qýatty ulttyń negizin qalyptastyrady», dep sport salasy men deneshynyqtyrý isiniń mańyzdylyǵyna toqtaldy.
Memleket basshysy aıtqandaı, Joldaý boıynsha tıisti jumystar atqarylatyn bolsa, Qazaqstan jańa chempıondardyń mekenine aınalatynyna men bek senimdimin.
Eldos SMETOV, dzıýdodan álem chempıony,Olımpııa oıyndarynyń kúmis júldegeri