Tili ótkir jastar pikir talastyrdy

Jas Otan jastar qanaty ótkiz­gen jas sheshender týrnırin uıym­­dastyrýǵa Aqparat jáne qo­ǵamdyq damý mınıstrligi men Aza­mattyq bastamalardy qoldaý ortalyǵy muryndyq boldy. Eki kúnge jalǵasqan saıystyń jal­py júlde qory 4 mıllıon teń­geni qurady. Buǵan elimizdiń bar­­lyq óńirinen 133 komanda qa­­­tysýǵa nıet tanytyp, onyń 60-sy irikteldi.

Jas Otan jastar qanatynyń tóraǵasy Dáýlet Káribek osy­men ekinshi ret saltanat qurǵan respýblıkalyq pikir­sa­­ıysta tushymdy oı, oryndy sózimen kósh bastap júrgen jas­tar qo­­ǵamdaǵy ózekti máselelerdi or­­taǵa salyp, tıimdi sheshimderin de usynǵandaryn aıtty.

– «Aqyn – ulttyń júregi, ba­tyr – kóptiń bilegi, sheshen – kóp­tiń tiregi» degen atam qazaq. О́z oıyn ashyq ári naqty jetkize alatyn, árbir máseleni jan-jaq­ty qarap, synı oılaı alatyn jastardy qalyptastyrýǵa pi­kir­talas oıyndary kóp áserin tı­gizedi dep oılaımyn. Jobany uıymdastyrǵandaǵy negizgi maq­­­satymyz eldegi pikirtalas qoz­­ǵa­lysyn qaıta jandandyrý, na­­­ǵyz orta qalyptastyrý. Osy úshin árbir pikirsaıysshynyń reı­­tıngi, tóreshelerdiń deńgeıi kórsetiletin, oıyndardyń for­­mattary aıqyndalatyn, el­­de­­gi bolatyn oblystyq, res­­­­­­pýb­lı­ka­lyq pikirtalas oıyn­­da­­­ry­­­nyń josparlanǵan kes­te­leri ja­­­­­rııalanyp turatyn saıt­ty is­ke qosamyz. Sondaı-aq pi­­kir­­­­­saıys­shylar federasııasyn qu­rýǵa kúsh salamyz, – dedi D.Ká­ribek.

«Azamattyq bastamalardy qoldaý ortalyǵy» KEAQ bas­qarma tóraǵasynyń orynbasary Janar Tólegenova atalǵan jobanyń Qazaqstandaǵy pikir­talasty damytýǵa qoldaý kór­setýge baǵyttalǵanyn, bul jas­tardyń óz oılaryn ashyq ári egjeı-tegjeıli jetkizýge múm­kindik beretinin atap ótti.

Nur-Sultan qalasynda úz­dik jastardyń basyn qosqan týr­nır­diń toptyń kezeńi, 1/8, ¼ já­ne jartylaı fınaldary ótip, fınal televızııalyq dekorasııa­larmen shoý formatynda uıym­dastyryldy. Sonymen júzden júırik shyǵyp, 1 mln teńgelik bas báıgeni qazaq lıgasynan Na­zar­baev Ýnıversıtetiniń stý­dent­­teri Erdáýlet Tastanbek pen Ásel Ibadýlla jeńip aldy. Al orys lıgasynda Álıhan Qazenov pen Qanat Noǵaıbaev top jardy.

Aldaǵy ýaqytta bul debat oıyn­darynyń televızııalyq nus­qasy kórermenge jol tartady. Buǵan qosa Úoutube jelisinde to­lyq jarııalanady.