Bul týraly Tuńǵysh Prezıdent-Elbasy Eýrazııa elderiniń parlamentteri spıkerleriniń IV keńesinde aıtty.
«Parlamentaralyq qoǵamdastyq ishindegi qatardy jumyldyryp, zańnamalyq trendterdegi birlesken jumystyń tıimdiligin arttyrý qajet. Terrorızmniń jalpy anyqtamasyn ázirleý, terrorıstik, ekstremıstik uıymdardyń, halyqaralyq uıymdasqan qylmystyq toptardyń biryńǵaı tizimin jasaý mańyzdy. Sondaı-aq álemdik ekonomıkany jańa sıfrlyq dáýirge, jasandy ıntellekt dáýirine kóshirý barysyndaǵy quqyqtyq bazany ázirleý jumystary da ózekti bolyp otyr», dedi Elbasy N.Nazarbaev.
Aıta keteıik, Eýrazııalyq memleketterdiń zańnamalyq organdary basshylarymen jan-jaqty dıalog ornatý maqsatynda uıymdastyrylyp jatqan forým bıyl Qazaqstanda birinshi ret ótip jatyr. Buǵan deıin Eýrazııa elderi parlamentteri tóraǵalarynyń keńesi Reseıde, Ońtústik Koreıada jáne Túrkııa Respýblıkasynda ótken edi.
Forýmǵa qatysýshylar qatarynda EQYU men UQShU parlamenttik assambleıalary, Parlamentaralyq odaq, Azııa parlamenttik assambleıasy, Halyqtyń qonystanýy jáne damýy jónindegi parlamentarıılerdiń Azııalyq forýmy, Eýropalyq parlament, Azııadaǵy ózara is-qımyl jáne senim sharalary keńesi, Islam yntymaqtastyq uıymy parlamenttik odaǵy, TMD PAA, ShYU syndy uıymdar bar.