Bul týraly elbasy.kz habarlady.
Kezdesý barysynda Qazaqstannyń Tuńǵysh Prezıdenti mártebeli meımanǵa Eýrazııa elderi spıkerleriniń keńesine qatysqany úshin alǵys bildirdi.
– Táýelsizdik jyldary Koreıamen eń jyly qarym-qatynas ornatýǵa tyrystym. Bizde ekonomıkalyq yntymaqtastyqtyń úlken baǵdarlamasy bar. Qazaqstanda 100 myń káris ulty turady. Bul - bizdiń elderimizdiń arasyndaǵy altyn kópir. Biz ekonomıkalyq jáne saıası yntymaqtastyqty jalǵastyrýǵa múddelimiz, - dedi Nursultan Nazarbaev.
Sondaı-aq Elbasy Ońtústik jáne Soltústik Koreıa arasyndaǵy dıalog ornatý úderisine qoldaý bildirdi.
О́z kezeginde Mýn Hı San Eýrazııa elderi spıkerleri keńesiniń joǵary deńgeıde ótkenin atap ótti.
– Álem halqynyń 75 paıyzy Eýrazııa qurlyǵynda turady. Álemdik JIО́-niń 60 paıyzy Eýrazııaǵa tıesili. О́zderińiz biletindeı, Eýrazııanyń eń shyǵys sheti – ol Koreıa Respýblıkasy. Qazaqstan osy kontınenttiń qaq ortasynda. Bizdiń alǵashqy otyrysqa 19 memleket, ekinshisine - 27, úshinshisine - 39 memleket qatysty. Búgingi basqosýǵa 55-ten astam memleket qatysýda. Bul jetistik – Sizdiń eńbegińiz, - dedi Koreıa Respýblıkasy Ulttyq Assambleıasynyń spıkeri.