Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý sheńberinde Qazaqstanda 9,6 myń múmkindigi shekteýli adam jumysqa ornalastyryldy, onyń ishinde turaqty jumys oryndaryna - 3,9 myń adam. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
2019 jylǵy 1 qyrkúıektegi jaǵdaı boıynsha memlekettik baǵdarlamaǵa qatysýshylar quramyna 10,8 myń múmkindigi shekteýli azamat engizildi, bul memlekettik baǵdarlamaǵa qatysýshylardyń jalpy sanynyń 3%-yn quraıdy (402,8 myń adam). Memlekettik baǵdarlamanyń ózge de baǵyttary boıynsha qysqa merzimdi kýrstarmen 1 170 adam qamtyldy, «Bastaý bıznes» jobasy boıynsha kásipkerlik negizderine oqytýmen 757 adam qamtyldy, 179 adam mıkrokredıt aldy, onyń ishinde 90 adam óz isin ashqan.
Sondaı-aq 3 851 adam jumysqa ornalastyryldy, áleýmettik jumys oryndaryna – 983 adam jumysqa ornalastyryldy, jastar praktıkasyna 440 adam tartyldy, qoǵamdyq jumys oryndaryna – 4 337 adam ornalastyryldy.
Al 2019 jyly memlekettik baǵdarlama aıasynda 16 myńnan astam adamdy jumysqa ornalastyrý josparlanýda.
Esterińizge sala keteıik, 2019 jyldyń birinshi jartyjyldyǵynyń qorytyndysy boıynsha Qazaqstanda 690,6 myń múgedek bar, bul jalpy halyq sanynyń 3,7% – y, 424,4 myń eńbekke qabiletti jasta (61%), 106 myń adam jumys isteıdi.