Qazaqstan Prezıdenti shveısarııalyq áriptesimen ótkizgen kezdesýden keıin Bolgarııa Prezıdenti Rýmen Radevpen kelissóz júrgizdi. Bul týraly Aqordanyń baspasóz qyzmeti habarlady.
Kóshbasshylar saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń qazirgi jaǵdaıy men ony nyǵaıtýdyń perspektıvalaryn talqylady.
Prezıdent Qasym-Jomart Toqaev eki el arasynda syndarly dıalog ornaǵanyna toqtalyp, elimizdiń Bolgarııamen ózara is-qımyldy odan ári qarqyndy damyta túsýge nıetti ekenin aıtty.
– Qazaqstannyń Bolgarııadaǵy dıplomatııalyq mıssııasyn Elshilik retinde qaıta qurý týraly sheshim qabyldanǵanyn bilesizder. О́kildigimizdiń mártebesin arttyrý jáne Elshini taǵaıyndaý Qazaqstan men Bolgarııa qarym-qatynastaryn damytýǵa tyń serpin beretinine senimdimin, – dedi Qasym-Jomart Toqaev.
Sonymen qatar Memleket basshysy bolgarlyq kompanııalardy Qazaqstanda jumys istep, keıinnen osy óńirdiń naryǵyna shyǵýǵa shaqyrdy.
Kezdesý sońynda Qasym-Jomart Toqaev Rýmen Radevti Qazaqstanǵa saparmen kelýge shaqyrdy.