Tabıǵı tasqa qashalǵan

Uly Abaı men Qar­qa­raly – egiz uǵym. Qarqaraly qalasynda Abaı toqtaǵan úı bar. Qarqaralynyń tatar kópesi Halıolla Bekmetov salǵan bul kók­tóbel aǵash úı uly oı­shyldyń ulaǵatty ómi­ri­nen syr shertken tarıhı jádiger retinde búginde kóp­shi­lik­tiń táý eter kıe­li ornyna aınalǵan. Bul úıdiń Abaı ulaǵatyn pir tutqan urpaqtarǵa shyn máninde qasıetti oryn ekendigin kóktóbel úıdiń mańdaıshasyna ja­zylǵan: «Bul úıde 1850 jyly uly aqyn-aǵartýshy Abaı Qu­nan­baev bol­ǵan» degen aıshyqty jazýlar pash etip tur. Qazir bul ǵımaratta aýdandyq má­de­nıet bóliminiń keńse­si ornalasqan.

Jaqynda osy Abaı babamyz toqtaǵan úıdiń aldynda Qarqaraly taý­la­­rynyń tabıǵı tasy­na qashalyp salynǵan Abaı beınesi boı kó­ter­di. Tastyń bıiktigi 350 santımetrden asady. Sýret avtorlary: Qar­qaraly aýdanynyń mem­lekettik arhıviniń bas­shysy Ma­nar­bek Kárim men onyń balasy – Qarqaraly qalasy, A.Jáýtikov atyn­­da­ǵy qazaq orta mek­te­­bi­niń 11 synyp oqý­shy­­­sy Erasyl Kárim. Halyq arasynan shyq­qan qarapaıym sheber­ler uly oıshyldyń beınesin erekshe yjda­ǵat­tylyqpen dál órnek­tegen.

Atalǵan tas eskert­­­kish­­­ti aýdan, qala jurt­­­­­shy­ly­ǵymen qatar, Abaı ata­myz­dyń Semeı­den arnaıy kelgen týys­tary da tamashalady. Tas eskert­kish qazirdiń ózinde qala qonaqtary arnaıy baryp sýretke túsetin, uly aqynnyń rýhyna táý etetin rýhanı orynǵa aınaldy.

Sýrette: tabıǵı tasqa qashalǵan Abaı beınesi jáne avtorlar.