Saǵat 22:00 shamasynda Saryaǵash shekara otrıadyna qarasty «Yntymaq» zastavasynyń kezekshisi dabyl kesheninen aýmaqtardyń birinde Memlekettik shekaranyń buzylǵandyǵy týraly belgi qabyldady. Bul týraly UQK ShQ baspasóz qyzmeti habarlady.
Lezde oqıǵa ornyna attanǵan dabyl toby О́zbekstannan bizdiń elimizge qaraı jasyryn ótpek bolǵan eki ózbek azamatyn adym attatpaı ustady. Ustalǵandar, sózderine qaraǵanda, kúnkóris qamymen jumys izdeýge shyqqan eken. Quqyq qorǵaý organdary tekseris júrgizip jatyr.
Qorǵastyq shekarashylar Halyqaralyq shekara boıy yntymaqtastyǵy ortalyǵynan qaıtyp kele jatqan 21 jastaǵy Qazaqstan azamatynan jalpy salmaǵy 63 kg qytaıda shyǵarylǵan dári-dármek taýyp, aktimen Altynkól keden beketine tapsyrdy.
Shonjy shekara otrıadynyń «Tekes» jáne Kúrshim shekara otrıadynyń «О́rel» shekara zastavalarynyń aýmaǵynan shekarashylar jabaıy qarasora alqaptaryn tapty.
Eki jerden tabylǵan alqaptardyń jalpy kólemi 5 gektar. Jergilikti atqarýshy organdar ókilderiniń qatysýymen joıylǵan 9000 qýraıǵa jýyq esirtki ósimdikteriniń jalpy salmaǵy 1,5 tonnadan astam.