Nur-Sultan qalasynda «Kazakhstan Energy Week 2019» aptalyǵy aıasynda «Munaı bolashaǵy: aqıqat jáne boljam» ınteraktıvti pikirsaıys ótti. Bul týraly «QazMunaıGaz» kompanııasynyń Jurtshylyqpen baılanys departamenti habarlady.
Munaı-gaz salasynyń ózekti máselelerin talqylaýǵa Energetıka mınıstri Qanat Bozymbaev, OPEK bas hatshysy Muhammed Barkındo, «QazMunaıGaz» UK AQ Basqarma tóraǵasy Alık Aıdarbaev, «EksonMobıl Apstrım Oıl end Gaz» aǵa vıse-prezıdenti Tom Shýsler, «Enı SpA» bas dırektory Alessandro Pýlıtı jáne basqa da álemdik sarapshylar men munaı-gaz kompanııalarynyń ókilderi qatysty.
Pikir almasý barysynda dúnıejúzi boıynsha munaıdy shamadan tys paıdalaný, aldaǵy ýaqyttaǵy munaı suranysy men usynys geografııasynyń ózgerýi, jańa energetıkalyq ahýal jáne onyń elimizdegi otyn-energetıkalyq keshenine yqpaly, munaı baǵasy jáne ózge de máseleler jan-jaqty talqylandy.
- Búgingi sharada «QazMunaıGaz» kompanııasy úshin ózekti suraqtar men túıitkildi máseleler kóterildi. Onyń ishinde munaı baǵasy, álemdik energetıka naryqtaryndaǵy turaqsyzdyq. Jalpy, qazirgi kezdegi 60-70 dollar shamasyndaǵy munaı baǵasy «QazMunaıGaz» úshin qolaıly bolyp tabylatynyn atap ótkim keledi, - dedi A.Aıdarbaev.
Mańǵystaý oblysy