BQO Báıterek aýdanynyń turǵyn úı-kommýnaldyq sharýashylyq bóliminiń bas mamany bıýdjet qarajatyn jymqyrǵany úshin sottaldy. Bul týraly Sybaılas jemqorlyqqa qarsy qyzmettiń baspasóz qyzmeti habarlady.
BQO Sybaılas jemqorlyqqa qarsy qyzmeti «BQO Báıterek aýdanynyń turǵyn úı kommýnaldyq sharýashylyq, jolaýshylar kóligi jáne avtomobıl joldary bólimi» MM-niń bas mamany I.I.Ileske qatysty sotqa deıingi tergeýdi aıaqtady.
Ol atalǵan memlekettik mekemeniń qajettiligi úshin taýar-materıaldyq qundy zattardy satyp alýǵa bólingen 2,4 mln teńge somasyndaǵy bıýdjet qarajatyn jymqyrdy dep kúdiktelgen.
Aǵymdaǵy jyldyń 26 qyrkúıeginde BQO Báıterek aýdandyq sotynyń úkimimen I.I.Ileske bıýdjet qarjysyn jymqyrǵany úshin 2 jyl 6 aı merzimine (1 jylǵa jazany keıinge qaldyra otyryp) bas bostandyǵynan aıyrý jazasy taǵaıyndaldy, sondaı-aq memlekettik qyzmette laýazymdy qyzmetpen aınalysýǵa ómir boıyna tyıym salý jazasy belgilendi.