Qostanaılyq tiginshi-dızaıner Evgenııa Dombaeva óziniń jasaǵan kolleksııasyn Parıjde qazan aıynyń aıaǵynda ótetin «Túrki álemi» dızaınerler kórmesine aparady.
Ol bul sharaǵa ulttyq stılde tigilgen qalyńdyq kóılekteri toptamasyn daıyndaý ústinde.
«Árıne, ońaı emes, eńbekti talap etedi. Toptamadaǵy jumystyń barlyǵy derlik qolmen atqarylady. Onyń kúrdeliligi sol, kóılekterdiń jeńildetilgen túrin tigetinimizde bolyp otyr. Ádette, kóılekterdi túrli áshekeılermen, tastarmen kórkemdeıtin edik. Onyń tasymaly qıyn bolatyn. Al biz qazir kóılekterdi tigý jelisin jasaýmen aınalysyp otyrmyz», deıdi Evgenııa Dombaeva. Qostanaılyq kásipker hanym qalyńdyq kóıleginen basqa, onyń bas kıimin-sáýkelelerdi de aparady. Ony da tek qolónerdi talap etedi.
Kásipker basqaratyn «Dombaeva» jeke kásiporny bıyl óńirlik «Qazaqstannyń úzdik taýarlary» baıqaýynyń jeńimpazy atanǵan bolatyn. Sondyqtan, qazan aıynda aldymen Nur-Sultan qalasynda oblys namysyn qorǵaıtyn bolady. Sosyn Parıj sapary.
Qostanaı