Jyldyń jańa júzdigi anyqtalady

Qazmedıa ortalyǵynda ótken baspasóz máslıhatynda Aqparat jáne qoǵamdyq damý mınıstri Dáýren Abaev «100 jańa esim» jobasynyń úshinshi kezeńi bastalǵanyn habarlady.

– Búgin úlken jobany bastaǵaly jatyrmyz. Osydan eki jyl buryn Elbasynyń basta­masymen «Rýhanı jańǵy­rý» baǵdarlamasy jarııalandy. Sonyń aıasynda «100 jańa esim» jobasynyń úshinshi keze­ńin ótkizýdi qolǵa aldyq. Bul joba qoǵamnyń damýyna óziniń úlken yqpalyn tıgizip keledi. Sondyqtan ony jalǵastyrýǵa bel býdyq. Atalǵan bastama táýelsizdik jyldarynda elimizdiń irgesin bekitýge úles qosqan azamattardy tanystyrýdy, olardyń eńbegin nasıhattaýdy kózdeıdi. Buǵan eki jyldyń ishinde 5 myńǵa jýyq adam qatysty. Úzdikterdi anyqtaý úshin eki mıllıonǵa jýyq qazaqstandyq daýys berdi, – dedi mınıstr.

Odan keıin «Rýhanı jań­ǵyrý» Qazaqstandyq áleýmet­tik damý ınstıtýtynyń tór­aǵasy Kemelbek Oıshybaev «100 jańa esim» jobasy týraly jan-jaqty maǵlumat berip, daýys berý prosesin túsindirdi. Onyń aıtýynsha, ótinimderdi qabyldaý 20 qazanǵa deıin jalǵasady. Jastar jylyna arnalǵan jobaǵa qatysýǵa nıet tanytqandardyń jasy 39-dan aspaýy kerek. Úmitkerler 100janaesim.ruh.kz saıtynda saýaldamany toltyrýy qajet. Qatysýshyǵa senimdi ári naqty aqparat berý mindetteledi. Barlyq ótinimder moderasııa­dan ótip, keıin saıtta jarııa­lanyp, jelide daýys berýge ruqsat alady. Sonymen qatar belgili qoǵam jáne mádenıet qaı­ratkerleri, sport jáne bız­nes ókilderinen turatyn qazylar alqasynyń qaraýyna usynylady.

Al úmitkerlerge daýys berý úshin jobanyń resmı saıtyna tirkelý kerek. Daýys berýshiler ár saladan tek bir úmitkerden tańdaı alady. Konkýrstyń nátıjeleri bıyl jeltoqsan aıynda Elbasynyń qatysýymen ótetin tanystyrylymda jarııalanady.

Sonymen qatar atalǵan jobanyń ótken jyldardaǵy eń belsendi jeńimpazdarynan «Bıýro 100» komandasy quryl­dy. Olar baıqaýǵa eń laıyq­ty úmitkerlerdi izdestirý úshin Qazaqstannyń barlyq aı­maqtaryn aralaıdy. Komanda áleýmettik jelilerde joba qa­tysýshylaryn izdeýdiń bar­lyq kezeńderin kórsetedi. Solardyń biri, «100 jańa esim» jobasynyń jeńimpazy Asan Joldasov bul bastama­nyń jaqsy qyrlaryn, bilim sala­syndaǵy jastardyń eń­be­gin kórsetýge septigin tıgi­ze­tinin jáne Jastar jylyn­da jas muǵalimderge erek­she nazar aýdarylyp jat­qanyn atap ótti. Ol – mate­matık, baǵ­darlamashy jáne oqytýshy. 2018 jyly «Qo­ǵam» baǵytynda 15 757 daýys­pen jeńimpaz atan­­ǵan A.Jol­dasov oqýshy kezi­­nen-aq ma­tematıkadan res­­­pýb­lıka­lyq, halyqaralyq olım­­­pıa­dalarǵa qatysqan jáne 19 jasynda óz mektebin ash­­­qan. Oqytýdyń arnaıy ádis­­­te­me­sin jasap, «Pıfagor» mek­­­te­bin úlken kompanııaǵa aı­­­­nal­­dyrǵan. Osylaısha 10 jyl­­­da 10 myńnan asa ba­la­­­nyń ma­tematıkaǵa qyzyǵýshy­lyǵyn oıatqan.