«Saraıshyq-Saraı Batý-Saraı Berke qalalary izimen» atty halyqaralyq ǵylymı-zertteý týrıstik ekspedısııasy Atyraý oblysynda týrızmdi damytý jáne «Saraıshyq» memlekettik tarıhı-mádenı mýzeı-qoryǵyn týrıstik ortalyqqa aınaldyrý maqsatynda Astrahan oblysynda ornalasqan «Darııa-TÝR» atty týrıstik agenttigimen ózara yntymaqtastyq jóninde kelisimshartqa qol qoıdy.
- Bizdiń halyqaralyq ekspedısııanyń bir maqsaty - Qazaqstannyń kıeli oryndaryn, týrıstik nysandaryn nasıhattaý, sheteldik týrısterdi elge tartý bolatyn. Kelisim-shartqa sáıkes, bolashaqta Saraıshyq mýzeıi men «Darııa-týr» kompanııasy eki el aýmaǵynda ekskýrsııa, ekspedısııa jáne ǵylymı konferensııalardy birigip uıymdastyratyn bolady, - deıdi Saraıshyq memlekettik tarıhı-mádenı mýzeı-qoryǵynyń dırektory Ábilseıit Muhtar.
«Darııa-týr» kompanııasynyń jetekshisi Olga Muhıtdenovanyń aıtýynsha, Astrahan óńirinde qazaq tarıhyna qyzyǵýshylyq zor. Týrıstik fırma buǵan deıin Altynjardaǵy Qurmanǵazy óńirlik mádenı ortalyǵyna Reseıdiń barlyq óńiri men jaqyn shetelderden keletin týrısterdi tartýmen tanymal bolǵan eken.