О́. Sultanǵazın atyndaǵy Qostanaı memlekettik pedagogıkalyq ýnıversıtetinde 3 qabatty 4 jataqhana qurylysy júrip jatyr. Bul týraly bilim ordasynyń baspasóz qyzmeti habarlady.
Joǵary oqý ornynda búginde 5 qabatty bir jataqhana bar. Onda 465 stýdent turyp jatyr. Sonymen qatar ýnıversıtet 135 oryndyq bir ǵımaratty jalǵa alady. Ekeýin qosqanda barlyǵy 600 stýdent jataqhanamen qamtamasyz etilgen, bul - oqý ornyndaǵy barlyq stýdenttiń 25 paıyzy ǵana. Qalǵan 75 paıyz stýdent páter jaldaıdy nemese týystarynyń úıinde turady.
Jaǵdaı osyndaı bolǵan soń, ýnıversıtet qaladaǵy Táýelsizdik kóshesinen 3 qabatty tórt jataqhananyń qurylysyn bastady. Aldymen jobalyq-smetalyq qujattardy daıyndaý úshin Jezqazǵan qalasyndaǵy «Sheber» jaýapkershiligi shekteýli seriktestigimen 14 mılııon 560 myń teńgege kelisim shart jasaldy. Jobanyń jalpy quny 575 mıllıon 954 myń teńge turady. Qazir jataqhana qurylysyn júrgizetin merdigerler úshin baıqaý aıaqtalyp, olar anyqtalǵan. Qurylysty mamyr aıynan bastap «Naladochnyı sentr Temırtaý» dep atalatyn qurylys kompanııasy júrgizýde. Tehnıkalyq baqylaýdy qostanaıdyq «LIR» JShS mindetine aldy.
Qostanaı