Senat Tóraǵasy Darıǵa Nazarbaevanyń tóraǵalyq etýimen ótken jumys otyrysynda Álemdik jáne dástúrli dinder lıderleri sezi XVIII Hatshylyǵynyń qorytyndysy naqtylandy.
Otyrysqa Parlament Senatynyń Apparaty, Aqparat jáne qoǵamdyq damý, Syrtqy ister mınıstrlikteriniń, Nur-Sultan qalasy ákimdiginiń basshylary qatysty. Parlament Senatynyń Tóraǵasy, sezd Hatshylyǵynyń basshysy Darıǵa Nazarbaeva Hatshylyq sheshimimen qabyldanǵan basty qaǵıdattardy álemge keshendi túrde jetkizý qajettiligine basa nazar aýdardy, sonymen birge 2020 jylǵa josparlanǵan Hatshylyq otyrysynyń jáne 2021 jylǵa josparlanǵan Álemdik jáne dástúrli dinder lıderleriniń VII seziniń baǵdarlamasy men qujattaryn ázirleýge kirisýdi tapsyrdy.Otyrysqa qatysýshylar sezd aralyǵyndaǵy kezeńdegi ulttyq jáne halyqaralyq is-sharalardyń keshenin jáne «N.Nazarbaev atyndaǵy konfessııaaralyq jáne órkenıetaralyq únqatysýdy damytý ortalyǵy» kommersııalyq emes qoǵamdyq uıymynyń qyzmetin odan ári jetildirý máselelerin jan-jaqty talqylady, dep habarlady Senattyń baspasóz qyzmeti.