QMDB-nyń Shymkent qalasy boıynsha ókildiginiń uıymdastyrýymen «Qalalyq qan ortalyǵynda» «Qan tapsyryp, ózgege ómir syıla!» atty qaıyrymdylyq aksııasy ótti.
Jalpy, 18 jastan asqan, densaýlyǵy durys, qaıyrymdy, eń bastysy, adam ómirin saqtap qalýǵa, kómegin berýge daıyn kez kelgen azamat donor retinde qan tapsyryp, dárigerlerden keńes ala alady. Qan quıý arqyly ómirdi saqtap qalýǵa bolatyn aýrý túri óte kóp. Buǵan gemofılııa, qan azdyǵy, baýyr qaterli isigi men kúıik alý, t.b. dertterdi qosýǵa bolady.
Aıaqasty apat jaǵdaıynda nemese kúrdeli operasııa kezinde donor qanyn quıý qajettiligi de jıi kezdesedi. Ásirese donor qany bosanǵan ananyń ómirin saqtap qalýǵa óte qajet.
Aıta ketý kerek, atalmysh aksııaǵa Shymkent qalasyndaǵy 105 meshit ımamdary, qalalyq «Zeket» qory, Jastar isi sektory, meshit jamaǵattary, t.b. jalpy 300-den astam adam qatysty.
ShYMKENT