Oblystyń barlyq mektepterinde «Eko-saǵat» keń kólemdi respýblıkalyq aksııa bastaldy. Qazaqstan Respýblıkasy ekologııa, geologııa jáne tabıǵı resýrstar mınıstrliginiń, qoǵamdyq mańyzdy bastamalardy damytý qorynyń, ekologııalyq uıymdar qaýymdastyǵynyń birlesken bastamasy elimizde qyzý qoldaýǵa ıe boldy.
Birińǵaı respýblıkalyq ekologııalyq saǵat aıasynda oblystyń barlyq oqý oryndarynda ekologııa taqyrybynda sabaqtar ótti. Oǵan ustazdar, oqýshylar men stýdentter belsendi atsalysýda. Oqýshylar tabıǵat týraly beınerolıkter kórdi. Osy shara barysynda oblystyń aýdan-qalalaryndaǵy mektepter aınalasyna 25 myń kóshet egiledi.
Bıyl ǵana ashylǵan Áýejaı shaǵyn aýdanyndaǵy №29 aralas orta mektep mańyna kóshet otyrǵyzýǵa oblys ákimi A.Muhambetov te qatysty.
«Dana halqymyz «bir tal kesseń, on tal ek!» dep, qorshaǵan ortany qorǵaýǵa, tabıǵatty aıalaýǵa erekshe mán bergen. Búgingi shara da sol ıgi dástúrdi jalǵastyryp, mektep aýlalarynda jas kóshetterdi egýge baǵyttalyp otyr. Bul búgingi urpaqtyń ǵana emes, keler urpaqtyń ıgiligi úshin jasalyp otyrǵan mańyzdy qadam dep bilemin. Aǵymdaǵy jyldyń mamyr aıynda Qazaqstan-Reseı jastarynyń forýmy qarsańynda Qostanaı jáne Qorǵan oblystarynyń aýmaǵynda eki eldi biriktiretin Tobyl ózeniniń boıynda "ECO - challenge Qostanai" sharasy ótti. Chellendjge oblystyń 8 qalasy men aýdanynyń jastary belsendi qatysty. Ol elimizdegi barlyq ózender men kólderdiń jaǵalaýlaryn tazalaýǵa baǵyttalǵan "Qazaqstan sylary" jalpy qazaqstandyq jastar qozǵalysynyń bastapqy alańyna aınaldy» dedi Arhımed Begejanuly.
Munan keıin obylstyq, qalalyq akımıat ókilderi, qoǵamdyq belsendiler, ustazdar bastaǵan top jańa mekteptiń mańyna kóshet otyrǵyzdy.