«Batys» óńirlik qolbasshylyǵynyń «Qarabatan» polıgonynda aýmaqtyq qorǵanys brıgadasynyń batalony men arnaıy áskerler batalony qatysqan oqý-jattyǵýlarynyń belsendi fazasy ótti. Bul týraly «Batys» óńirlik qolbasshylyǵynyń baspasóz qyzmetinen kapıtan R.Igısınov habarlady.
Arnaıy-taktıkalyq oqý-jattyǵýdyń ańyzy boıynsha zańsyz qarýlanǵan top úsh jeńil avtokólikte munaı óńdeý zaýytynyń aýmaǵyna kelip kirdi. Buzaqylar shekaradan ótip, dıversııa uıymdastyrý maqsatymen kishigirim toptarmen «Qarabatan» eldimekenine bet aldy.
Brıgadanyń aýmaqtyq qorǵanys jáne arnaıy áskerler batalondary josparlanǵan shabýyl orny men memlekettik mańyzy bar obektilerdi baqylaýǵa aldy. Buzaqylar blokpostqa shabýyl jasap, olarmen aýmaqtyq qorǵanys batalony urysqa tústi.
Shartty jaýyngerlerdiń kózi joıylyp, oqý-jattyǵýdyń belsendi fazasy aıaqtaldy. Dıversanttardy qarýsyzdandyrý operasııasynyń jetekshisiniń baıandamasy boıynsha, jeke quram qoıylǵan tapsyrmany sátti oryndaı aldy.
Biraz ýaqyttan beri, oqý-jattyǵýda oblys aýdandaryndaǵy qordaǵy ofıserler qatysqan bolatyn. Basty maqsat –jıynnyń barysynda áskerı-eseptik mamandyqtar boıynsha bes kún ishinde daıyndyq ótken rezervti daıarlaý.
Oqý-jattyǵýdy is júzinde Atyraý oblysy ákiminiń orynbasary Jumabaı Qaraǵaev basshylyq etti, sonymen qosa, oqý-jattyǵýǵa oblys ákimi Nurlan Noǵaev qatysty.
Tájirıbe boıynsha, kez-kelgen áskerı qaýipten sátti qorǵaný, tek qana túrli baǵyttaǵy áskerı qurylymdardyń ózara árekettestik bolǵan jaǵdaıda ǵana kepil bolýy múmkin. Olardyń joǵary mashyqtylyǵy, qaýip tóngen baǵyttaǵy krızıstik sıtýasııany oqshaýlaý úshin jedel jáne qysqa ýaqytta áskerlerdi ashýǵa múmkindik beredi.