Shaǵyn kásipkerliktiń shyraıyn keltirýge baǵyttalǵan qadamnyń biri – «Kóshe saýdasyna arnalǵan 100 oryn» baǵdarlamasy. Buǵan deıin jergilikti atqarýshy organdar jyl saıyn kóshe saýdasyn uıymdastyrýǵa 1 jyldyq merzimge jer ýchaskelerin bólip keldi.
Saýda alańdaryn jabdyqtap, ornalastyrýǵa, quıylǵan qarjyny qaıtaryp alýǵa bul ýaqyt árıne azdyq etedi. Jańa baǵdarlamanyń tıimdi tusy da osy, qatysýshylarǵa jer 3-5 jyl aralyǵynda jalǵa beriledi. Bul óz kezeginde bıznestiń damýyna jáne qalanyń sáýlet kelbetine sán berýge múmkindik ashady. Joba shartyna sáıkes ártúrli áleýetti qatysýshylardan 1 jer ýchaskesine keminde 4 ótinim túsken jaǵdaıda, ýchaskeler komıssııa tańdaýymen usynylady. Al 1 jer ýchaskesine ártúrli áleýetti qatysýshylardan 4 nemese odan da kóp ótinim tússe, aýksıon ótkiziledi.
– Búginge deıin 68 jer ýchaskesine konkýrs ótkizildi, komıssııa qorytyndysymen 35 jeńimpaz anyqtaldy, – deıdi «Atyraý» ÁKK» AQ basqarma tóraǵasynyń orynbasary Danııar Tahanov. – Biz olarmen fast-fýd, kofehanalar, kókónister, tamaq ónimderi, nan ónimderi, et ónimderi men kompıýterlik qyzmetterdi satýǵa arnalǵan saýda pavılondaryn salý úshin jer ýchaskelerin jalǵa berý týraly kelisim jasadyq. Saýda pavılondaryn ornatý jumystary bastaldy.
ATYRAÝ