Almaty qalasynda 5 qazan kúni ótken qaıyrymdylyq marafony ótti.Oǵan 2400 metr qashyqtyqty júgirýge 2 myńǵa jýyq qala turǵyndary qatysty.
«Adal júrek» aksııasyn Almaty qalasynyń Sybaılas jemqorlyqqa qarsy qyzmeti, Almaty qalasy ákimdigi jáne «Almaty Sports» áleýmettik jobasy uıymdastyrǵan. Bul týraly Almaty qalasy ákimdiginiń baspasóz qyzmeti habarlady.
Respýblıkanyń árbir qalasynda júrgizilip jatqan qaıyrymdylyq marafony senbi kúni elimizdiń ońtústik astanasyndaǵy «Qazaqstan Respýblıkasy Tuńǵysh Prezıdentiniń saıabaǵynda» ótti. Olardyń ishinde mektep oqýshylary, stýdentter, bıznesmender, professorlar jáne qoǵam qaıratkerleri de bar. «Sanaly urpaq» jobalyq keńsesiniń negizgi maqsaty - bilim salasyndaǵy sybaılas jemqorlyqty jeńýge kómektesý jáne osy óskeleń urpaqqa sybaılas jemqorlyqqa qarsy kózqaras qalyptastyrý bolyp tabylady. Sondyqtan biz kúndelikti stýdenttermen, jastarmen jumys jasaımyz. Soǵan baılanysty osy qaıyrymdylyq marafonyna jas bizdiń azamattardy qatystyrýǵa kómektestik», – dedi Qazaqstan Respýblıkasynyń Sybaılas jemqorlyqqa qarsy is-qımyl agenttiginiń «sanaly urpaq» Respýblıkalyq jobalyq keńsesiniń jetekshisi Qaıyrjan Toqýshev.
Halyqtyń áleýmettik álsiz toptaryna kómektesý maqsatynda «Balalarǵa ómir syıla» jobasy arqyly 1783 balanyń ómiri qutqarylǵan. Al, osyndaı merekelik is-sharalar, qaıyrymdylyq jasaý arqyly qorǵa 3 jarym mlrd teńge jınalǵan.
«Balalarǵa ómir syıla" jobasynda biz dıagnozy Qazaqstanda emdelýge kelmeıtin, tek shetelde ǵana emdeý qajettiligi bar naýqas balalarǵa kómek kórsetemiz. Biraq, baqytymyzǵa oraı, elimizide mundaı naýqas balalar kóp emes. Árdaıym belgili bir ýaqytta saıtymyzdyń qaıyrymdylyq qorynda 60-70 balaǵa arnalǵan aqsha jınalady. Sondyqtan, biz balalarǵa kómekteskenderdiń barlyǵyna úlken alǵysymyzdy bildiremiz», – dedi «Dom» qoǵamdyq qorynyń dırektory Arýjan Saın.
Arýjan Saınnyń aıtýy boıynsha árbir azamat sms arqyly nemese bank kartochkasyna aqsha salý arqyly naýqas balalardyń ómirin qutqaryp qalýǵa at salysa alady jáne ózderiniń aýdarǵan aqshalaryn saıt arqyly kimge, qashan jáne qaı ýaqytta jibergenin qadaǵalap otyrýǵa múmkindik bar. Marafonǵa qatysýǵa kelgender mundaı sharanyń densaýlyq úshin de, saýap úshinde úlken is ekenin aıtady.