Maıor Bolat Býlendın paýerlıftıngten jáne onyń jekelegen qımyldary boıynsha PUQ federasııasynda álem chempıony atandy. Sondaı-aq «GOLDEN TIGER – XIII» Halyqaralyq mýltıtýrnırinde 82,5 kıloǵa deıingi dárejede 4 altyndy qanjyǵasyna baılady.
Bolat Býlendın – halyqaralyq dárejedegi sport sheberi. Onyń jetistikteriniń tiziminde – WRPF federasııasyndaǵy álem jeńimpazy, Azııa chempıony, paýerlıftıng jáne jatyp kóterý boıynsha Qazaqstan Respýblıkasynyń jeńimpazy tıtýldary bar. Áskerı qyzmetshi óziniń mansaptyq jolynda eki ret jańa álemdik rekord ornatqan.
Halyqaralyq «GOLDEN TIGER-XIII» mýltıtýrnıri – kúsh qoldanylatyn sport túrleriniń dástúrli festıvali bolyp tabylady. Bıyl jekpe-jekke 50 sport túri boıynsha 9 myńǵa jýyq sportshy qatysty.