Kóshetterdiń kútimi de nazarda bolýy kerek

Senbilik sharalary aıasynda 1 mıllıon 116 myń tekshe metr aýla­nyń aýmaǵy tazalanyp, 10,2 myń tonna qoqys, 14 myń tonna ja­pyraq syrtqa shyǵarylǵan. Son­daı-aq 277 eskertkish mańy qa­lypqa keltirildi. Jergilikti ákim­dikterdiń qoldaýymen 10,3 myń túp kúzgi aǵash otyrǵyzylǵan. Senbilikke 91 myń adam men 800 birlik tehnıka qatysqan. Al abattandyrý isine nemquraıly qaraǵan turǵyndar men shaǵyn jáne orta kásipkerlik ókilderine jergilikti po­lısııa tarapynan 112 ákimshilik hat­tama toltyrylyp, 348 myń teńge kóleminde aıyppul salynypty. Máselen, «Hagı-Pavlodar» JShS 19 túp aǵashty keskeni úshin 93 túp aǵashty qaıta egetin bolǵan-dy. Ákimshilik jaýapkershilikke tartylǵan kásiporynǵa 100 myń teńge kóleminde aıyppul salyndy. Jalpy, Ulttyq ekonomı­ka mınıstriniń buıryǵymen beki­tilgen «Aǵashtardy qorǵaý jáne saq­taý týraly» erejelerine sáı­kes, aǵashtardy zańsyz kesý kezinde 5 ese eselengen ótemaqy mólsheri belgilenedi. Árbir zań­syz kesilgen aǵash úshin qaıta 5 aǵash otyrǵyzyp, oǵan eki jyl mer­ziminde kútim jasaý qajet.

Qalalyq turǵyn úı-kommýnal­dyq sharýashylyǵy, jolaýshylar kóligi jáne avtomobıl jolda­ry bóliminiń mamany Aızada Keldi­bekovanyń aıtýynsha, bıyl oblys ortalyǵyna 6196 túp aǵash egil­di. Onyń bir myńnan astamy – ótemaqy túrinde otyrǵyzylǵan aǵashtar eken. Al qalǵany bıýdjet qarajatyna satyp alynǵan. Iаǵnı qalany kógaldandyrý, kó­shet egý, ony sýarý boıynsha ja­rııalanǵan tenderdi bıyl «Gor­zelenstroı» JShS, «Dos-PVL» JShS jáne «Aıaýly alaqan» JShS syndy kompanııalar utyp alǵan. Bul maqsatqa qalalyq bıýdjetten 104 mıllıon teńge qarajat bólingen.

– Kásipkerler qurylys júrgizý úshin burynnan ósip turǵan  aǵash­tardy kesýge ruqsat suraıdy. Son­dyqtan bir aǵash kesse, ornyna 5 túp jas tal egý mindetin qoıý arqyly ruqsat beriledi. Mysaly, «Densaýlyq» saıabaǵynda salynyp jatqan «Forte bank» AQ 100-ge jýyq aǵashty kesip, onyń ornyna Ýsolka shaǵyn aýdanyndaǵy basseın mańyna 500 túp jas tal ekti, – deıdi maman.

Alaıda mundaı jolmen egilgen jas kóshetterdiń qanshasy kóktep, qanshasy qýrap qalǵanyn eshkim bile bermeıdi. Sondaı-aq oblys ortalyǵynda, aýdandarda da kórip júrgenimizdeı, senbilikte otyrǵyzylǵan aǵashtardyń sýarylmaı, kútimniń joqtyǵynan qýrap, solyp qalatyny – na­zar­ǵa alatyn-aq másele. Bu­dan shyǵatyn qorytyndy, bú­ginde dástúrli senbilikterdiń ózi kózboıaýshylyqqa aınalyp ba­ra jatqan sekildi. Jergilikti ákim­dikter jalań kórsetkishter qýyp, tipti, oıǵa qonymsyz sandar da kórsete bastady. Aıtalyq byltyr oblystyq ákimdik otyrysynda Jelezın aýdanynda 7 myń adam, oblys ortalyǵynda 25 myń adam senbilikke qatysyp, 230 tehnıka jumyldyrylǵan delindi. Senbilikke  qatysýshylar sol is-shara aıasyndaǵy tazalyq pen kóshet otyrǵyzýdy ǵana oılaıdy. Biraq senbilikten soń da ómir bar ǵoı. Týǵan qalamyz ben aýylymyzdy jasyl jelekke bóleı­miz desek, óz qolymyzben ek­ken aǵashtardy kútip-baptap, sýarýǵa da arnalǵan senbilikter kerek sııaqty. Sonymen birge kom­mýnaldyq sala bólimderi senbi­likte egilgen ár aǵashtyń taǵ­dy­ryna jaýapty bolýy kerek. О́ıtkeni ár aǵashqa qarjy bólinedi.

Jalpy, kóshetter otyrǵyzý, jeke aýlalar men qoǵamdyq oryn­dardyń aýmaǵyn tazalaý, qala men aýyl kóshelerin kóriktendirip, abattandyrý jumystary jyl boıy jalǵasa beretin jumys. Bıyl oblystyq jer qoınaýyn paıdalaný, qorshaǵan orta jáne sý resýrstary basqarmasy 100 myńnan astam kóshet otyrǵyzbaq.

Pavlodar oblysy