«Altynkól» keden beketiniń «Qaljat» ótkizý pýnktinde Ahýaldyq ortalyqtyń qyzmetkerleri qashyqtyqtan monıtorıng júrgizý sheńberinde ınspeksııalyq tekserý kesheni (ITK) sýretterine taldaý jasaý jáne júrgizilgen kedendik jete tekserý qorytyndysy boıynsha deklarasııalanbaǵan taýarlar, onyń ishinde «BERG 6040» markaly 3 rengenapparat anyqtaldy.
Deklarasııalanbaǵan taýarlardyń jalpy kedendik quny 179,7 myń AQSh dollaryn nemese 69,7 mln teńgeni, tóleýge tıesili kedendik tólemder men salyqtardyń jalpy somasy 15,2 mln teńgeni qurady.
Almaty oblysy boıynsha MKD prosessýaldyq sheshim qabyldaý úshin Almaty oblysy boıynsha Ekonomıkalyq tergeýler departamentine materıaldardy berý jumystaryn júrgizýde.
Memlekettik kirister komıtetiniń baspasóz qyzmeti habarlaǵandaı, ahýaldyq ortalyqtyń jeke quramynyń jumysy ITK sýretterdi taldaý jáne tereńdetilgen taldaý jumysyn júrgizý jolymen taýarǵa ilespe qujattarǵa sáıkes kelmeıtin kedendik baqylaýdaǵy taýarlardy anyqtaýǵa baǵyttalǵan.
Ortalyqtyń operatorlar men taldaýshylardyń keden isi salasyndaǵy qylmystar men ákimshilik quqyq buzýshylyqtardy anyqtaý, aldyn alý jáne jolyn kesý jumysy jandandyryldy.
Keden zańnamasyn buzý kúdigi anyqtalyp otyrǵan ITK sýretterine jasalatyn qashyqtyq monıtorıngi sheńberinde táýekel tobyna jatatyn elderden ótkiziletin taýarlardy kedendik deklarasııalaýǵa taldaý júrgizildi.