Al halaıyq, jarandar,
Naýryz keldi, qarańdar.
Qulpyrýda dalam bar,
Qýanýda adamdar,
Naýryz keldi qarańdar.
Naýryz keldi, Jyl keldi,
Dala jaınap, gúldendi.
Kóńilderge qýanysh,
Júrekterge nur berdi,
Naýryz keldi, Jyl keldi.
Qyrlar kókke orandy,
Qustar qaıta oraldy.
Jyly shýaq molaıdy,
Qarly yzǵar joǵaldy,
Qustar qaıta oraldy.
Tolǵan kezi yrystyń,
Qyzǵan kezi jumystyń.
Keldi naýryz, Jańa jyl,
Uly kúni ulystyń,
Uly kúni ulystyń.
Tyńda aǵaıyn, tyńdańdar,
Toıda bosqa turmańdar.
Naýryz ánin shalqytyp,
Naýryz jyryn jyrlańdar,
Naýryz jyryn jyrlańdar.
Bar janmenen týyspyn,
Bar janmenen uǵystym.
Naýryz-dostyq, yntymaq,
Uly kúni ulystyń,
Uly kúni ulystyń.
Mahmutbaı ÁMIREULY.