«Altyn alma» shattyq pen qýanyshtyń belgisindeı, Almatyda ótken Ortalyq Azııa qolóner sheberleriniń kórme-jármeńkesinde ár ulttyń qolynan shyqqan buıymdary kelýshilerdiń kóńilinen shyqty.
«Altyn alma» Ortalyq Azııa qolóner sheberleriniń kórme-jármeńkesine Qyrǵyzstan, О́zbekstan, Túrikmenstan, Reseı elderinen óz salasynyń maıtalman mamandary qatysty.
Ádettegideı Ortalyq memlekettik mýzeıinde ótken bul kórmege aty aıtyp turǵandaı almaǵa uqsaıtyn buıymdar kóptep qoıyldy. Almatydaǵy jaımashýaq altyn araıly kúz mezgiline dóp keletin jármeńkege kelýshiler de bereke men birliktiń belgisindeı qabyldaıdy.
Narttaı qyzyl almalar qalamyzdyń sımvoly ǵana emes, ol ár otbasyǵa amandyq pen saýlyq tilegen aqjoltaı nıettiń belgisindeı bolyp kórinedi. Onda kıiz ben jibek matadan toqylǵan buıymdar, sán saltanatymen áspettelgen órnekti zattar, zergerlik buıymdar, sandyqshalar men qulpyrǵan kilemder kóz jaýyn alady.
Almadaı alaýlaǵan kúzgi jármeńke jan dúnıeńizdi ádemi áserge bóleıdi.