Kezdesý barysynda taraptar Qazaqstan men Túrikmenstan arasyndaǵy ózara senim men ashyqtyqqa qurylǵan saıası túsinistiktiń joǵary ekenin atap aıtty. Bul týraly Qazaqstan Prezıdentiniń baspasóz qyzmeti habarlady.
Qazaqstan Prezıdenti túrikmen kóshbasshysyna qonaqjaılylyǵy úshin rızashylyǵyn bildirip, onyń qazaq-túrikmen qarym-qatynasyna qosqan úlesine toqtaldy.
–Kıeli túrikmen jerine tabanym tıgen alǵashqy sátterden bastap maǵan kórsetken qurmetińizge rızamyn. О́ziniń ásemdigimen kóz tartatyn Ashhabad qalasyna taǵy kelgenime qýanyshtymyn. Menimen birge úlken delegasııa keldi. Bizdiń kóptegen perspektıvaly jobamyz bar. Elderimiz arasyndaǵy áriptestik óte joǵary deńgeıde damyp keledi dep oılaımyn. Bul turǵyda Qazaqstannyń Tuńǵysh Prezıdenti Nursultan Ábishuly Nazarbaev pen ózińizdiń úlesterińiz zor,– dedi Qasym-Jomart Toqaev.
Memleketter basshylary ekijaqty kezdesýdiń kún tártibindegi aımaqtaǵy jaǵdaı, ártúrli halyqaralyq format sheńberindegi ózara is-qımyldar sekildi aýqymdy máseleler talqylady.