Qazaqstan Prezıdenti Qasym-Jomart Toqaev Ádilet mınıstri Marat Beketaevqa Úkimet daıyndaıtyn zań jobalarynyń sapaly oryndalýyna kóńil bólýdi tapsyrdy.
Beıbit Isabaev Memleket basshysyna Parlamenttegi ókildiktiń jumysy, Prezıdent Joldaýy men saılaýaldy baǵdarlamasynda berilgen tapsyrmalardy iske asyrý barysynda negizgi basymdyqtardy qamtıtyn zań jobalarynyń qaralyp jatqany týraly baıandady.
Erlan Saırovpen áńgime barysynda elimizdegi qoǵamdyq-saıası jaǵdaı jáne áleýmettik-rýhanı máseleler, memlekettiń aımaqtyq damýy týraly talqylandy.
Sonymen qatar kezdesýde Prezıdenttiń Qazaqstan halqyna Joldaýynyń basym baǵyttary, elimizdiń keıbir shekaralyq aýdandarynyń damýy, kópbalaly otbasylardy baspanamen qamtý jáne jas urpaqqa sapaly bilim berý jaǵdaıy sóz boldy.
Muhtar Taıjanmen ótken kezdesýde jer máselesi, áskerı-patrıottyq tárbıe berý, qylmystyq jazasyn ótegen azamattardy jumysqa ornalastyrý jaıy qozǵaldy.
Sondaı-aq kezdesý barysynda óńirlerdegi azamattardy baspanamen jáne jumyspen qamtý, jol salý, ekologııa máseleleri aıtyldy.